Lukas 6:19 - Taaz Weru Witu u Nunuwu'en Tombulu

¹⁹ Péléng sé tou lakez itii é mahtututu' in tumiona wia ni Sia, pahpaan wia ni Sia ém wéwéhan ung kawasa u mahondolé i lumé'os ni séra péléng.

Lukas 6:19 Iomraidhean Croise

Matius 14:36

Ni séra é mahaléi wia si Yesus in énéané zozo' uman i sumahiza witu u rawisna ung karai tonton-Na. Péléng sé tou simahiza u rawisna ung karai tonton-Na é nimalé'os.

Markus 3:10

Pahpaan lakezo sé tou liné'os-Na, niitumo péléng sé tou saki é mahsésé'sé'an i mahtition wia ni Sia.

Markus 5:30

In toro niitukan kata'uala ni Yesus im wéwéhan ung kawasa u nimondola im wia ni Sia. Niitumo si Yesus liméngéma muri wia sé tou lakez itii a meligau, “Séi si simahizé witu ung karai tonton-Ku?”

Markus 6:56

Wisa uman un angéané ni Yesus, wana am wanua, wana am wanua tua'na kaapa wana am wanua oki', sé tou saki én ipahzeta' néramé wana am pasar a mahaléi wia si Yesus, wo sé tou saki itii toro kiitané zozo' i sumahiz umana u rawisna ung karai tonton-Na. Péléng sé tou simahiza ung karai tonton ni Yesus é nimalé'os.

Markus 8:22

Tumondong niitu, si Yesus karia né pahtuzu'en-Na méikaayola witi Betsaida. A sé tou mahwalima si tou letok wia si Yesus. Ni séra mahaléi wia si Yesus in tumiona wia si tou itii wo sia malé'os.

Lukas 5:17

I sana endo, si Yesus mahtuzu' sé tou. Im witu ém wéwéhan sé sana réwok tou Farisi wo sé tou tulap un Torat rimumez mahtalinga ni Sia. Ni séra ém wana péléng am wanua witi Galilea wo Yudea wo Yerusalem a méyé. Ung kawasa ni Opo Empung ém wia ni Sia takaz ni Sia toro lumé'os sé tou saki.

Lukas 6:18

Ni séra niméyé i métumalinga ni Sia wo wéwéhan sé mekilé'os im wana a saki néra wo sé tou mekiwoho sé sétang sé simelaz wia ni séra.

Kisah Rasul-rasul 19:12

Lumouspé'mé niitu, u léso kaapa u roko' am pinahpakémola ni Paulus ém pinahalima né tou an izeta'la wia sé tou saki, nimangun sé tou saki itii nimalé'os wo nimangun sé roh léwo' sé simelaz wia sé tou é nimondolé.

1 Petrus 2:9

Taan ni kamumo sé pinéléng ni Opo Empung, walian i mahpaayang wia si Opo Empung si Kolano, tahsasana wanua linenas, nimaéndo tou méisanapa' wia ni Sia, wo ni kamu mahwoka' am pahwangunen ni Opo Empung an totoz wangko'. Si Opo Empung si timawahmomé ni kamu mondolé im witu ung karimbengbengan a muntep witu un ayah-Na un totoz makakompo'en.