Lukas 6:17 - Taaz Weru Witu u Nunuwu'en Tombulu

¹⁷ Kumawusa niitu si Yesus wo sé aatu-Na merosé im witi kimeleng a séra mento'la witu um patar. Im witu é nimaréwoko sé mahkiit ni Sia wo lakez sé tou walina sé witi Yudea, sé witi Yerusalem wo kangkasii sé witi Tirus wo Sidon, am wanua tembir un tasik a méyé.

Lukas 6:17 Iomraidhean Croise

Matius 11:21

Kuano kasii ni Yesus, “Ikaléwo'mo ni kamu in tou Khorazim! Ikaléwo'mo ni kamu in tou Betsaida! Pahpaan sa a makakompo'en winangun-Ku wana am wanua niou ém winangun-Ku witi Tirus wo Sidon, tantumo urémo ni séra ing kimarai ung karai pengangaraien witi pinatéan wo an ulu néra ém wuzwuzan néra an awu, un tumuzu'mé ni séra é mene'selo wo timula'umola a singkéla' néra.

Matius 12:15

Taan kata'uan ni Yesus ang ginenang néra a Sia mondolé im witu. Lakez sé tou mahkiité si Yesus wo ni Sia é mahlé'os sé saki im wia ni séra.

Matius 14:14

I si Yesus timumpamomé im witu u londéi, ileken-Nama sé tou totoz lakez, a mawiamé u raraatéan-Na wia ni séra. A lé'osen-Nala sé tou saki im wia sé tou lakez itii.

Matius 15:21

Si Yesus tumula'umé un tampa itii a mangé witi tana' Tirus wo Sidon.

Matius 5:1

I si Yesus nimileka sé tou lakez itii mahkiité, a Sia sumosozla witu ung kimeleng. Kairumez-Nala, a méyé sé pahtuzu'en-Na.

Lukas 5:15

Taan u nuwu' tumoro si Yesus éng kazou'na im pahkawoka'ma, a sé tou lakez mahtotondongané méyé wia ni Sia in tumalinga ni Sia wo lumé'os a saki néra.

Lukas 6:12

In toro niitu, si Yesus simosoza witu ung kimeleng i mamengaléi. Im witu ni Sia é simanawengi i mengaléi wia si Opo Empung.

Lukas 6:16

si Yudas oki' ni Yakobus wo si Yudas Iskariot si ing kamurian nimangkér si Yesus.

Lukas 6:18

Ni séra niméyé i métumalinga ni Sia wo wéwéhan sé mekilé'os im wana a saki néra wo sé tou mekiwoho sé sétang sé simelaz wia ni séra.