Lukas 6:15 - Taaz Weru Witu u Nunuwu'en Tombulu

¹⁵ si Matius, si Tomas, si Yakobus oki' ni Alfeus, si Simon si wia sé sana réwok tou Zelot sé mahsaru sé tou Roma,

Lukas 6:15 Iomraidhean Croise

Matius 9:9

I si Yesus nimondolomé im witu, ileken-Nama si menanagi am pajak makangaran Matius makarumez witu um pahpaayanganna. Ang kuan ni Yesus wia ni sia, “Kumiitomé ni Aku.” A rumendaié si Matius ang kumiit si Yesus.

Markus 2:14

Tumondongla niitu, i si Yesus mahlampang an ileken-Nama si Lewi, si menanagi am pajak, si oki' ni Alfeus, makarumez witu um pahpaayanganna. Ang kuan ni Yesus wia ni sia, “Kumiitomé ni Aku!” A sia rumendaié ang kumiit si Yesus.

Markus 3:18

si Andreas, si Filipus, si Bartolomeus, si Matius, si Tomas, si Yakobus oki' ni Alfeus, si Tadeus, si Simon si wia sé sana réwok tou Zelot sé mahsaru sé tou Roma,

Lukas 5:27

Tumondongla niitu, i si Yesus nimondolé, ileken-Nama si menanagi am pajak makangaran Lewi, makarumez witu um pahpaayanganna. Ang kuan ni Yesus wia ni sia, “Kumiitomé ni Aku!”

Lukas 6:14

Sé mapulu' wo zua tou itii é: si Simon si nginaranan-Na kangkasii Petrus, si Andreas tuarina, si Yakobus, si Yohanes, si Filipus, si Bartolomeus,

Lukas 6:16

si Yudas oki' ni Yakobus wo si Yudas Iskariot si ing kamurian nimangkér si Yesus.

Yohanes 11:16

A si Tomas, si pahkuan Didimus, kumuama wia sé kakariana, sé pahtuzu'en walina, “Méyémo kita kasii mangé i maté karia-Na.”

Yohanes 20:24

Taan si Tomas, si esaané im wia sé mapulu' wo zua pahtuzu'en ni Yesus, si pahkuan Didimus, zéi'kan mahwali-wali karia néra i si Yesus niméyé witu.

Kisah Rasul-rasul 1:13

I ni séra méikaayomola witi Yerusalem, a séra mangé witi pahento'an néra a menéka witu um porés witu un atas um walé itii. Ni séra é: si Petrus, si Yohanes, si Yakobus, si Andreas, si Filipus, si Tomas, si Bartolomeus, si Matius, si Yakobus oki' ni Alfeus, si Simon tou né sana réwok tou Zelot wo si Yudas oki' ni Yakobus.

Kisah Rasul-rasul 15:13

Sumampeta si Paulus wo si Barnabas i mahnuwu', ang kumuamé si Yakobus, “É katuari-katuari, talingana ni aku:

Galatia 1:19

In toro niitu, sé aatu walina ni Yesus Kristus én zéi'kan nimahilekané kariaku, akaz uman si Yakobus si katuari ni Yesus Mahpiara si nimahilekané kariaku.

Galatia 2:9

I nimilekola ung kamang méitambéré ni Opo Empung wia ni aku, si Yakobus, si Petrus wo si Yohanes sé pahkuan in tonaas ipahpuu-puuna né jamaat, nimaayoala lengen kariaku wo karia ni Barnabas, niitu un tumuzu'mé i ni kai é nimaesaano. Um pinaesaan nai é, ni kai mahwoka' u Nuwu' Lé'os tumoro si Yesus wia sé tou zéi'kan Yahudi wo ni séra é mahwoka u Nuwu' Lé'os tumoro si Yesus wia sé tou Yahudi.

Yakobus 1:1

U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.