Lukas 5:5 - Taaz Weru Witu u Nunuwu'en Tombulu

⁵ A mingkotla si Simon, “Méster, simanawengi kai ma'ulit i mahpenéro seza' taan ni kai én zéi'kan méikailekla zozo' in esa, taan pahpaan si Méster si nimatu, u lolombo' kenu én ilombo'kukana.”

Lukas 5:5 Iomraidhean Croise

Lukas 17:13

a mahkérét, “Yesus! Méster! Iraraaté ndootuumé kai!”

Lukas 8:24

A si Yesus mawongkéné né pahtuzu'en-Na, kuan néra, “Méster, Méster ikaléwo'mo kita!” Si Yesus rumendaié a rekaken-Nama u reges repet wo un zano mahsempa' itii. U reges repet wo un zano mahsempa' é rengan i nimento'la wo u louz é nimapenesa.

Lukas 8:45

A si Yesus meligau, “Séi si simahizé wia ni Aku?” Taan zéi'kan siapa si makaulité, ang kuan ni Petrus, “Méster, téntu ung kalakez né tou nimaréwok wo mahsésé-sé'sé'an witu u rété-Mu.”

Lukas 9:33

I sé tou zua itii mahtutula'umo si Yesus, si Petrus kumuama wia ni Sia, “Méster, totoz makapaazen ni kita im wia an tampa kenu. Ni kai é rumendai un terung telu. Un esa én iwéhé wia si Méster, un esa wia si Musa wo un esa wia si Elia.” Taan zéi'kan kata'uan ni Petrus u méikuanama.

Lukas 9:49

Kuan ni Yohanes wia si Yesus, “Méster, niilek nai im wéwéhan si tou nimoho si sétang karia u ngaran ni Méster. Sinéro' nai si tou itii in tia' mahpaké u ngaran ni Méster, pahpaan ni sia én zéi'kan esaané im wia ni kita.”

Yohanes 15:14

Ni kamu éng kakaria-Ku, sa ni kamu mahwangun a méiperénta-Ku wia ni kamu.

Yohanes 2:5

Taan si ina' ni Yesus éng kimuama wia sé menenelewir, “Wangunela apa un ikua-Namé wia ni kamu.”

Yohanes 21:3

Kuan ni Simon Petrus wia ni séra, “Ni aku é mangé menéropé'mé seza'.” Ang kuan néra wia ni sia, “Ni kai kasii éng kumiit ni ko.” A séra mangé simakéma u londéi. Taan i sana wengi itii zéi'kan siapa seza' kinailekan nérala.