Lukas 5:32 - Taaz Weru Witu u Nunuwu'en Tombulu

³² Ni Aku i niméyé én zéi'kan métumawah sé tou ulit taan métumawah sé tou mahsingkéla', wo séra tumula'ula a siningkéla' néra.”

Lukas 5:32 Iomraidhean Croise

Matius 18:10

“Gena-genangen! Tia' meroros si esaané im wia sé koki' kenu. Pahpaan ikua-Kuma wia ni kamu, wéwéhan sé malaekat mahtéiz ni séra sé witi kasendukan, sé mengile-ngilek uman ung gio ni Ama'-Ku. [

Matius 9:13

Niitumo, mangémo wo pahtata'ula ung kalakoan u Nuwu' witu um Pinantik Lenas kenu, ‘Zéi'kan a raragés ang kapaaz-Ku, taan u raraatéan.’ Pahpaan ni Aku i niméyé én zéi'kan métumawah sé tou ulit, taan métumawah sé tou mahsingkéla'.”

Markus 15:10

Kata'uano ni Pilatus i sé tonaas né walian é mahtéutéu si Yesus, niitumo si Yesus é méiayo néra wia ni sia.

Markus 15:7

In toro niitu, wéwéhan si tou makangaran Barabas, si binui karia né tou walina pahpaan ni séra é nimahwunu' tou i mahsaru sé pemerénta Romawi.

Markus 2:17

U méikua nérama én tinalingama ni Yesus, ang kuan-Na wia ni séra, “Zéi'kan sé tou zéi'kan saki sé memandung si dokter, taan sé tou saki. Ni Aku i niméyé én zéi'kan métumawah sé tou ulit, taan métumawah sé tou mahsingkéla'.”

Lukas 15:10

Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”

Lukas 15:7

Ni Aku éng kumuama wia ni kamu, ‘Téntu kangkasii u mahpaa-paaz mamuali witi kasendukan, pahpaan wéwéhan si tou tumula'ula a singkéla'na. U mahpaa-paaz itii é lumouspé'mé u mahpaa-paaz wia sé siouna pulu' wo siou tou ulit sé zéi'mo memandung in tumula'u a singkéla' néra.’ ”

Lukas 19:10

Pahpaan si Oki' ni Tou é méyé i menéro sé tou méikalulu wo milot ni séra im witu un ukuman wana a singkéla'.”

Lukas 24:47

Witu u ngaran-Na kangkasii um wowoka' tumoro un tumula'ula a singkéla' wo i si Opo Empung zuméi' a singkéla' én totoz maiwoka'la wia péléng sé tahsasana wanua, rengané witi Yerusalem.

Lukas 5:31

A séra wingkotela ni Yesus, “Zéi'kan sé tou zéi'kan saki sé memandung si dokter, taan sé tou saki.

Lukas 5:33

Ang kuano kasii né sana réwok tou Farisi wia si Yesus, “Sé pahtuzu'en ni Yohanes sekezé é mahpuasa wo mahmengaléi, téntu kangkasii sé pahtuzu'en nai, taan sé pahtuzu'en-Nu sekezé é mahkan wo mahelep.”

Kisah Rasul-rasul 17:30

Si Opo Empung én zéi'mo gimenang ung kalemouan né tou im puuna. In tarékan péléng sé tou ém pinerénta ni Opo Empung i léwo'zéi' tumula'ula a singkéla' wo kumiit ni Sia.

Kisah Rasul-rasul 2:38

A mingkotla si Petrus wia ni séra, “Itula'umola a singkéla' niou wo iwéhémola un tou niou i saranin witu u ngaran ni Yesus Kristus wo ni kamu makailek un ampungan ni Opo Empung wana a singkéla' niou. Karia in téntu ni kamu é makailek un tatambér. Un tatambér itii é si Roh Lenas.

Kisah Rasul-rasul 20:21

Ni aku sekezé é mahkua a niilekku wo an tinalingaku wia sé tou Yahudi wo sé tou Yunani, wo a singkéla' néra wia si Opo Empung itula'u nérala wo ma'éman wia si Yesus Mahpiarata.

Kisah Rasul-rasul 3:19

Niitumo, itula'umola a singkéla' niou wo kumiitola si Opo Empung. Karia in téntu, a singkéla' niou ém pali'en ni Opo Empung.

Kisah Rasul-rasul 3:26

Niitumo, si Opo Empung ing kataré-taré én timoumé sumaup si Ata-Na an iatu-Nama i mangé wia ni kamu, wo ni Sia kumamang ni kamu karia i nimangun ni kamu timula'ula péléng a singkéla' niou, a mawuri sumaup wia si Opo Empung.”

Kisah Rasul-rasul 5:31

Ni Sia si méirakék ni Opo Empung karia ung kawasa-Na é nimaéndo Memumuka lalan wo Memimilot sé tou im witu un ukuman wana a singkéla', wo sé tou Israel toro tumula'u a singkéla' néra wo makailek un ampungan.

2 Petrus 3:9

Si Mahpiara én zéi'kan mahuré-uré i mangun a méitaaz-Na, zozo' im wéwéhan sé tou mahkua ni Sia én tahlous uré. Taan ni Sia én ezen im wia ni kamu, pahpaan kasoo-Na zozo' in esa wéwéhan sé tou maikaléwo'. Kapaaz-Na péléng sé tou én tumula'ula a singkéla' wo mawuri sumaup i mahlé'os ang kapaaz-Na.