Lukas 5:29 - Taaz Weru Witu u Nunuwu'en Tombulu

²⁹ Tumondong niitu, a si Lewi mangunla um pésta selah witi waléna, pahpaan si Yesus. Lakez sé menanagi am pajak wo sé tou walina kiman mahwali-wali karia ni Yesus.

Lukas 5:29 Iomraidhean Croise

Matius 11:19

In tarékan si Oki' ni Tou é niméyé, ni Sia é mahkan wo mahelep wo ni séra é mahkua, ‘Ilekena, ni Sia é sorem wo matetewelen, kakaria né menanagi am pajak wo né tou mahsingkéla'.’ Taan ung katulapan ni Opo Empung én ikatuzu'mé im wana am pahlé'osen né tou mahkiit ni Sia.”

Matius 5:46

Sa kamu rumaraaté uman sé tou rumaraaté ni kamu, apa u méikaawesé wia ni kamu? Pahpaan maan sé menanagi am pajak kangkasii é mahwangun an téntu.

Matius 9:10

Tumondong niitu, i si Yesus karegas mahkan witi walé ni Matius, a méyé sé menanagi am pajak wo sé tou mahsingkéla' ang kuman mahwali-wali karia ni Yesus wo sé pahtuzu'en-Na.

Matius 9:9

I si Yesus nimondolomé im witu, ileken-Nama si menanagi am pajak makangaran Matius makarumez witu um pahpaayanganna. Ang kuan ni Yesus wia ni sia, “Kumiitomé ni Aku.” A rumendaié si Matius ang kumiit si Yesus.

Markus 2:15

Tumondong niitu, i si Yesus karegas mahkan witi walé ni tou itii, lakez sé menanagi am pajak wo sé tou mahsingkéla' é mahkan mahwali karia ni Yesus wo né pahtuzu'en-Na, pahpaan totoz lakez sé tou nimengiité ni Sia.

Lukas 15:1

Makasamé, sé menanagi am pajak wo sé tou memua-muali a singkéla', méyé in tumalinga si Yesus.

Yohanes 12:2

Im witu si Yesus méiimek néra kuman im wengi wo si Marta si mahselewir ni séra. Si Lazarus én esaané im wia sé rimumez mahkan karia ni Yesus.

1 Korintus 10:27

Sa wéwéhan si tou zéi'kampé' ma'éman tumawah ni kamu ing kuman wo sa ni sia é niénéan niouola, kanenola ang kakanen iwéhénamé wia ni kamu. Tia'mo pahtata'un niou wisa ang kakanen itii a méyé, wo niitu zéi'kan maéndo singkéla' witu ung genang lé'os niou.