Lukas 5:26 - Taaz Weru Witu u Nunuwu'en Tombulu

²⁶ Péléng sé tou é mengusi-ngusingsing, a mahlooz si Opo Empung wo ni séra én totoz maindé', a mahkua, “In endo kenu ni kai é nimileko un totoz makakompo'en.”

Lukas 5:26 Iomraidhean Croise

Matius 12:23

Sé tou lakez witu é mengusi-ngusingsing ang kuan néra, “Ni Sia ém woo suzu ni Daud.”

Matius 28:8

A séra rengan in tumula'umé u lelewengan itii karia i maindé' wo totoz i mahpaa-paaz wo mahkara'ma i makumua péléng niitu wia sé pahtuzu'en ni Yesus.

Matius 9:8

I nimilekla niitu, sé tou lakez itii maindé', a mahlooz si Opo Empung si niméhémomé ung kawasa tanu niitu wia sé tou.

Markus 2:12

Si tou itii rumendaié, rengan éndonamé um winuléngané ni sia a mondola witu u saru-sarun né tou lakez. Péléng sé tou é mengusi-ngusingsing, a séra mahsigi' wo mahlooz si Opo Empung, kuan néra, “Ni kai én zéi'kampé' kawisa nimilekla tanu a nimamuali kenu.”

Lukas 1:65

Péléng sé karété néra é maindé'. Péléng a nimamuali itii é méikawoka'ma makaz witi ataran kakenturan Yudea.

Lukas 5:8

I si Simon Petrus nimilekla u nimamuali itii a sia kumuruzla witu u sinaru ni Yesus ang kuana, “Tuang, itula'umoma aku pahpaan ni aku kenu én tou mahsingkéla'.”

Lukas 7:16

Péléng sé tou witu é maindé' a mahsigi' wo mahlooz si Opo Empung. Ni séra é mahkua, “Si Opo Empung é nimatumomé si nabi wangko' i mémahwali-wali kariata! Si Opo Empung é niméyémo i mésumawang sé tou-Na!”

Lukas 8:37

Am péléng sé tou witi tana' Gerasa mahaléi wia si Yesus in tumula'uma un tana' néra, pahpaan ni séra én totoz maindé'. A si Yesus sumakéla witu u londéi a suméngkot sumaup tumula'uma un tana' itii.

Kisah Rasul-rasul 4:21

Tumalingamé niitu, sé tonaas né tou Yahudi éng kalousna i ma'indé' si Petrus wo si Yohanes. Taan sé zua aatu itii é méipilot néramé pahpaan ni séra zéi'kan méikailekla ung kawalian i mukum ni séra, wo kangkasii maindé' én taa sé tou lakez maupi'. Pahapaan sé tou lakez itii é mahlooz u ngaran ni Opo Empung i si tou lailai itii liné'osa.

Galatia 1:24

A séra mahlooz wo mahsigi' si Opo Empung pahpaan um winangun ni Opo Empung wia ni aku.