Lukas 5:21 - Taaz Weru Witu u Nunuwu'en Tombulu

²¹ Timalingamé niitu, sé sana réwok tou Farisi wo sé tou tulap un Torat mahgenang in téntii, “Séi kuaa ndéén si tou mahséro' wia si Opo Empung kenu wé? Séi si tou toro méhé un ampungan wana a singkéla' né tou sa zéi'kan si Opo Empung?”

Lukas 5:21 Iomraidhean Croise

Matius 26:65

A si Walian Wangko' itii sumangsanga ung kinaraina ang kumua, “Ni Sia mahséro'mo si Opo Empung. Apapé' un torona kita menéro tou ing kumua a niilek wo tinalinga tumoro ni Sia? In tarékan én tinalinga niouoma ni Sia i mahséro' si Opo Empung.

Matius 9:3

Tumalingamé niitu, witu un até né woopira tou tulap un Torat, ni séra é mahkua, “Si Tou kenu é mahséro'mo wia si Opo Empung.”

Lukas 3:8

Niitumo, ipapailekla wana am pahwangunen niou i ni kamu én timula'umola a singkéla' niou! Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, ‘Si Opo Empung én toro mangun am watu kenu maéndo suzu ni Abraham.’

Lukas 5:17

I sana endo, si Yesus mahtuzu' sé tou. Im witu ém wéwéhan sé sana réwok tou Farisi wo sé tou tulap un Torat rimumez mahtalinga ni Sia. Ni séra ém wana péléng am wanua witi Galilea wo Yudea wo Yerusalem a méyé. Ung kawasa ni Opo Empung ém wia ni Sia takaz ni Sia toro lumé'os sé tou saki.

Lukas 5:22

Si Yesus é mata'u ang genang néra, ang kuan-Na wia ni séra, “Kaa téntu ang genang niou?

Lukas 7:49

Witu ung genang né tou mahkan karia ni Yesus ni séra é mahkua in téntii, “Séi Sia wé, makaz Sia toro zuméi' a singkéla' ni tou?”

Yohanes 10:33

Wingkotela né tou Yahudi itii, “Ni kai paaz merit ni Ko én zéi'kan pahpaan am paayangen lé'os pinaayang-Mu, taan pahpaan ni Ko mahséro' wia si Opo Empung. Wo pahpaan ni Ko, zozo' in tou uman, pahpasuaten-Nu un tou-Mu karia si Opo Empung.”

Roma 8:33

Séi si wuaya i mapahsasala' sé tou sé pinéléng ni Opo Empung? Apa si Opo Empung, si niméndo ulit ni séra? Séi si mamukum ni séra?