Lukas 5:17 - Taaz Weru Witu u Nunuwu'en Tombulu

¹⁷ I sana endo, si Yesus mahtuzu' sé tou. Im witu ém wéwéhan sé sana réwok tou Farisi wo sé tou tulap un Torat rimumez mahtalinga ni Sia. Ni séra ém wana péléng am wanua witi Galilea wo Yudea wo Yerusalem a méyé. Ung kawasa ni Opo Empung ém wia ni Sia takaz ni Sia toro lumé'os sé tou saki.

Lukas 5:17 Iomraidhean Croise

Matius 11:5

sé letok én toromo mahilek, sé lailai én toromo mahlampang, sé tinoro ung kusta é lé'oso, sé lunteng é mahtalingamo, sé nimatémo é méitoumomé sumaup wo sé tou zéi'kan siapa apa én timalingamo u Nuwu' Lé'os um wia si Opo Empung a méyé.

Matius 15:1

A sé woopira im wia sé sana réwok tou Farisi wo sé tou tulap un Torat sé witi Yerusalem a méyé, mangé wia si Yesus ang kumuama,

Markus 1:45

Taan si tou itii masimirita u nimamuali itii wana am pahangéannamé. Niitumo, si Yesus zéi'kan mata'u muntep witi wanua tua'na tanu ung kanaramen. Ni sia é mahento'mokan witi ondolé um wanua tua'na wana an tampa zéi'kan siapa tou. Taan zozo' in téntumokan, sé tou sé woo wisa wo mahéyé én zéi'kan kumana' i mengéyé-ngéyé wia ni Sia.

Markus 16:18

tumion sé ulé' melangu wo zozo' nimelep a melangu taan ni séra én zéi'kan makura. Wo sa séra zumeta'ma u lengen néra wia sé tou saki, sé tou saki itii é malé'os.”

Markus 3:22

Sé tou tulap un Torat sé witi Yerusalem a méyé é mahkua, “Ni Sia é sinelazan ni Beelzebul! Karia ung kawasa ni tonaas né sétang ni Sia mahwoho sé sétang.”

Markus 5:30

In toro niitukan kata'uala ni Yesus im wéwéhan ung kawasa u nimondola im wia ni Sia. Niitumo si Yesus liméngéma muri wia sé tou lakez itii a meligau, “Séi si simahizé witu ung karai tonton-Ku?”

Markus 7:1

Sé sana réwok tou Farisi karia né woopira tou tulap un Torat, witi Yerusalem a méyé i mahilekan karia ni Yesus.

Lukas 15:2

Mileka ni séra, sé tou wia sé sana réwok tou Farisi wo sé tou tulap un Torat, menembu-nembut ang kuan néra, “Si tou kenu, mahsungkul wo mahkan karia né tou memua-muali a singkéla'.”

Lukas 2:46

In teluna endomo, ang kailekan nérala Sia witi Walé ni Opo Empung. Ni Sia é rimumez witu un unez né méster um pa'émanen né Yahudi, ni Sia é mahtalinga wo mahligau wia ni séra.

Lukas 5:21

Timalingamé niitu, sé sana réwok tou Farisi wo sé tou tulap un Torat mahgenang in téntii, “Séi kuaa ndéén si tou mahséro' wia si Opo Empung kenu wé? Séi si tou toro méhé un ampungan wana a singkéla' né tou sa zéi'kan si Opo Empung?”

Lukas 5:30

Sé sana réwok tou Farisi wo sé tou tulap un Torat é mema'o-ma'os wia sé pahtuzu'en ni Yesus, a mahkua, “Kaa kamu mahkan wo mahelep karia né menanagi am pajak wo né tou mahsingkéla'?”

Lukas 6:19

Péléng sé tou lakez itii é mahtututu' in tumiona wia ni Sia, pahpaan wia ni Sia ém wéwéhan ung kawasa u mahondolé i lumé'os ni séra péléng.

Lukas 7:30

Taan sé wia sé sana réwok tou Farisi wo sé tou tulap un Torat é soo ung ginenang ni Opo Empung witu ung katou-touan néra, pahpaan ni séra é soo i saranin ni Yohanes.

Lukas 8:46

Taan kuan ni Yesus, “Wéwéhan si simahizé wia ni Aku, pahpaan pinendan-Kuma im wéwéhan ung kawasa nimondola im wia ni Aku.”

Yohanes 3:10

Si Yesus mingkotla, “Ni ko é méster né tou Israel, amo kahuman niitu zéi'kan kata'uannu?

Yohanes 3:21

Taan péléng sé tou mahwangun an ulit é méyé witu u sena' itii, pahpaan u sena' itii é mangun am pahwangunen néra a mengiit um paaz ni Opo Empung kaile-ilekan.”

Kisah Rasul-rasul 19:11

Si Opo Empung nimangun a makakompo'en an zéi'kan kakuaan mengiité si Paulus.

Kisah Rasul-rasul 4:30

Iayomé u lengen-Mu i lumé'os sé tou saki wo ipapaileké a makakompo'en wo an zéi'kan kakuaan mengiité u ngaran ni Yesus, si Ata-Mu Lenas.”

Kisah Rasul-rasul 5:34

Taan wéwéhan si esaané im wia sé sana réwok tou Farisi si méikauntep witu u Mahkamah Agama, makangaran Gamaliel. Ni sia én tou tulap un Torat wo totoz pahsigi-sigi'en péléng né tou. Sia rumendaié a mahaléila, wo sé aatu ni Yesus itii i mondola im witu zéi'kan uré.