Lukas 5:10 - Taaz Weru Witu u Nunuwu'en Tombulu

¹⁰ Téntu kangkasii sé kakaria ni Simon, si Yakobus wo si Yohanes, sé oki' ni Zebedeus. Ang kuan ni Yesus wia si Simon, “Tia'mo maindé', rengan in tarékan ni ko é mamenéromo sé tou ing kumiit ni Aku.”

Lukas 5:10 Iomraidhean Croise

Matius 13:47

Ang kuan kasii ni Yesus wia sé pahtuzu'en-Na, “Téntu kangkasii ung Kakolanoan ni Opo Empung én tanu u lolombo' tua'na méilombo'ma né melolombo' witi tasik, an ikaéndomé sé seza' nimahwali-walinaan.

Matius 14:27

Taan si Yesus é rengan ing kimuama wia ni séra, “Menesola! Kenu é ni Aku, tia'mo maindé'!”

Matius 20:20

A méyé wia si Yesus si mahayo ni Zebedeus karia né oki'na zua. A sia kumuruzla witu u sinaru ni Yesus im wéwéhan um pahaléien.

Matius 4:19

Ang kuan ni Yesus wia ni séra, “Méyémo, kumiitomé ni Aku, ni kamu ém wanguneng-Ku mahpenéro tou ing kumiit ni Aku.”

Matius 4:21

Karegas si Yesus i mahlampang, an ileken-Na kasiima sé zua mahtuari walina, ni séra é si Yakobus wo si Yohanes, ni séra zua én oki' ni Zebedeus. Ni séra zua wo si ama' néra ém witu u londéi i mahimek u lolombo'. A sé zua itii tawahené ni Yesus,

Markus 1:17

A séra tawahené ni Yesus, “Méyémo, kumiitomé ni Aku! Ni kamu ém wanguneng-Ku mahpenéro tou ing kumiit ni Aku.”

Lukas 5:7

A séra kumapéia wia sé melolombo' witu londéi walina i mésumawang ni séra. Ni séra nimeyé a mahwali-wali tumahu' sé seza' witu londéi zua akaz a londéi itii tawimo ikatenem.

Lukas 5:9

Pahpaan ni sia wo sé tou witu u londéi i nimilekla sé seza' niéndo néra én totoz lakez, ni séra é mengusi-ngusingsing.

Lukas 6:14

Sé mapulu' wo zua tou itii é: si Simon si nginaranan-Na kangkasii Petrus, si Andreas tuarina, si Yakobus, si Yohanes, si Filipus, si Bartolomeus,

Yohanes 21:2

Im witi tembir u louz itii nimaréwok si Simon Petrus, Tomas si pahkuan Kambar, si Natanael tou Kana witi propinsi Galilea, sé zua oki' ni Zebedeus wo sé zua pahtuzu'en-Na walina.

Kisah Rasul-rasul 2:4

A si Roh Lenas kumawasala wia ni séra péléng. Tumondong niitu, a séra méhé i mahnuwu' karia a nunuwu'en walina, mengiit a méiwéhémé ni Roh Lenas wia ni séra.

2 Korintus 8:23

Tumoro si Titus, ni sia éng kakariaku wo kapaayangku i mahsawang ni kamu. Tumoro sé zua tou ma'éman sé mahwali wo si Titus, ni séra é méiatu né woopira jamaat i mangé witi Yudea. Pahpaan am pinaayang néra, si Kristus é loozen wo sigi'en.

2 Timutius 2:26

Karia in téntu, ni séra én toro mata'ula i ni séra é simingkéla'mola, pahpaan ni séra é mémoikapiloté im witu um wetes ni tonaas né sétang si nimapus ni séra karia um paazna.