Lukas 4:6 - Taaz Weru Witu u Nunuwu'en Tombulu

⁶ Kuan ni tonaas né sétang wia ni Sia, “Péléng ang kawasa wo ung kawa'ilanan a niilek-Muma itii ém pakawéhéku wia ni Ko pahpaan péléng niana é méipakawéhémo wia ni aku. Niana péléng én iwéhéku wia séi uman si kapaazku.

Lukas 4:6 Iomraidhean Croise

Lukas 4:7

Niana péléng én iwéhéku wia ni Ko i maéndo anu-Mu sa Ko mongkot wo sumigi' wia ni aku.”

Yohanes 12:31

In tarékan én orasnamo si Opo Empung in tumotoz ulit kaapa zéi'kan am pahwangunen né tou wia ung kaayahan kenu, in tarékan kasii si Tonaas né sétang si mahkawasa wia ung kaayahan kenu éng kalan.

Yohanes 14:30

Zéi'mo lakez un ikua-Kuma wia ni kamu pahpaan si tonaas né sétang si mahkawasa wia ung kaayahan kenu é mahéyémo. Taan ni sia én zéi'kan siapa kawasa i merénta ni Aku.

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

2 Korintus 11:14

An téntu én tia' ikakompo' niou, pahpaan si tonaas né sétang kangkasii é mahasa-asar sé malaekat nimahalimé un ayah.

Efesus 2:2

In toro niitu ni kamu é menou-nou mengiit ang kinanaram né tou wia ung kaayahan, ni kamu mahtali-talinga sé roh léwo' mahkawasa witi langit, ni séramo sé roh mahkawasa witu un até né tou zéi'kan mahtali-talinga si Opo Empung.

1 Petrus 1:24

Witu um Pinantik Lenas é méipantik in téntii, “Péléng sé tou én tanu uman un zukut, wo péléng ung kawangunana én tanu uman um wungana un zukut. Un zukut é mapera wo um wungana é maragos,

1 Yohanes 5:19

Kata'uanta i ni kita ém wia si Opo Empung a méyé wo ung kaayahan kenu éng kinawasa ni tonaas né sétang.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 13:2

Si binatang niilekku itii, un touna é masuat wo si macan tutul, un a'éna é masuat wo un a'é ni beruang wo u sumahna é masuat wo u sumah ni singa. Si binatang itii ém winéhanla ni naga ung ketezna, u rurumezanna ing kolano wo ung kawasana um wangko'.

Wahyu 13:7

Ni sia kasii é niénéan ing kumoro' wo kumala sé tou ni Opo Empung wo winéhan ung kawasa i merénta wia péléng sé tahsasana suzu wo sé tahsasana réwok mahtuari wo sé tahsasana nunuwu'en wo sé tahsasana wanua.