Lukas 4:5 - Taaz Weru Witu u Nunuwu'en Tombulu

⁵ A si tonaas né sétang mahwalima si Yesus witi tampa rakék, pinitpitan umana sia i nimapaileka wia si Yesus péléng ang kakolanoan wia ung kaayahan.

Lukas 4:5 Iomraidhean Croise

Matius 24:14

U Nuwu' Lé'os tumoro ung Kakolanoan ni Opo Empung kenu én ipakawoka' wia péléng sé tou wia ung kaayahan wo péléng sé tou toro tumalinga wo mata'u. Kumawusa niitu, taré ikaayola witu ung kaakazan ung kaayahan.”

Matius 4:8

A si Yesus ipahwali kasiima ni tonaas né sétang witi wawona ung kentur totoz rakék, an ipapaileknala wia ni Sia péléng ang kakolanoan wia ung kaayahan karia ang kawa'ilanan néra.

1 Korintus 15:52

Niana i mamuali én totoz rewek tanu am pinitpitan umana. Pahpaan in zumanimé um pontuang totoz kamurian, sé nimatémo én itou sumaup ni Opo Empung karia un awak zéi'kan mahléwo-léwo'la. Ni kita i menou-noupé', un awakta é mangé walinan.

1 Korintus 7:31

Wo sé tou mahpaké uman am pemandungen wia ung kaayahan, tia'mo megena-genang i mahpaké niana, pahpaan ung kaayahan wo péléng am wia ung kaayahan é mazéi'.

2 Korintus 4:17

Pahpaan an zézéha rorak uman am pahpendanen nai in tarékan én zéi'kan mauréma wo niitu u nimangun ni kai in totoz pahloozen wo pahsigi'en makaz ing kauré-uré, niitu é lumouspé'mé an zézéha pinendan naimé.

Efesus 2:2

In toro niitu ni kamu é menou-nou mengiit ang kinanaram né tou wia ung kaayahan, ni kamu mahtali-talinga sé roh léwo' mahkawasa witi langit, ni séramo sé roh mahkawasa witu un até né tou zéi'kan mahtali-talinga si Opo Empung.

Efesus 6:12

Pahpaan ni kita i mahkoro' én zéi'kan mahsaru sé tou, taan mahsaru sé pa'opoen léwo' mahperénta wia ung kaayahan wo péléng ang kawasa a mahperénta sé roh léwo' itii. Ni kita kasii é mahkoro' mahsaru ang kawasa wana ang karimbengbengan im wia ung kaayahan kenu wo sé roh léwo' witi langit.