Lukas 4:41 - Taaz Weru Witu u Nunuwu'en Tombulu

⁴¹ Wo iwoho-Na kasiima sé sétang im wia sé tou lakez a séra mondolé karia i mengéré-ngérét, “Ni Komo si Oki' ni Opo Empung.” Taan si Yesus é rimekaka ni séra, wo zéi'kan iwéhé-Na séra i mahnuwu', pahpaan kata'uan néra i ni Siamo si Mesias.

Lukas 4:41 Iomraidhean Croise

Matius 26:63

Taan si Yesus é memene-menes uman. A si Walian Wangko' itii kumua kasiima wia ni Sia, “Karia u ngaran ni Opo Empung si menou-nou, ikuamé wia ni kai, apa ni Ko é Mesias, si Oki' ni Opo Empung, kaapa zéi'kan?”

Matius 4:3

A méyé si tonaas né sétang ang kumuama wia ni Sia, “Sa Ko Oki' ni Opo Empung, peréntanoma am watu kenu i mamualima roti.”

Matius 8:16

I mawengimo lakez sé tou sinelazan né sétang méipahwalimé wia si Yesus. Ni Sia makasa uman nimuwu'ma i nimohoma sé sétang itii wo i limé'osa péléng sé tou saki.

Matius 8:29

A sé sétang simelaz wia ni séra kuméréta, “É Oki' ni Opo Empung! Apa un éyé-Nu wia ni kai? Apa ni Ko niméyé é mézuméha ni kai puunala un oras tinotozo?”

Matius 8:4

Ang kuan ni Yesus wia si tou itii, “Gena-genangen, tia' ipahkukuamu wia si séi uman kura ni ko i nimalé'osa, taan mangémo, papailekla un toumu wia si walian i ni ko é lé'oso. Wo iwéhéla u raragés tanu u méiperénta ni Musa, un tumuzu'mé wia ni séra i ni ko é lé'oso.”

Markus 1:25

Taan si Yesus rimekaka ni sia, “Menesla! Mondolé im wia ni sia!”

Markus 1:32

I mawengimo, i si endo nimuntepola, sé tou mahwalima wia si Yesus péléng sé tou saki wo sé sinelazan né sétang.

Markus 1:34

Si Yesus limé'osa a saki né tou lakez a nimahwali-walinaan, wo kangkasii lakez sé sétang simelaz wia sé tou sé méiwoho-Nama. Zéi'kan iwéhé-Na sé sétang itii i numuwu', pahpaan ni Sia éng kata'uan néra.

Markus 3:11

Sekez sé tou sinelazan né sétang mileka si Yesus, ni séra é mongkot makaz witu un tana' witu u sinaru-Na wo mahkérét, “Ni Komo si Oki' ni Opo Empung!”

Lukas 4:39

A Sia rumendaila witu ung kasaru ung kokolo'anna, a mohoma um pasu'na itii, a mazéi'ma um pasu'na itii. Si wéwéné itii é rengan in timoozé a masumelewir ni séra.

Yohanes 20:31

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.

Yakobus 2:19

Pa'émanennu i si Opo Empung én esa uman? Niitu ém wangun! Taan maan sé sétang é ma'éman niitu wo mahgerger i maindé'.