Lukas 4:35 - Taaz Weru Witu u Nunuwu'en Tombulu

³⁵ Taan si Yesus é rimekaka ni sia, “Menesla wo mondola im wia ni sia!” Si tou itii méiwasala ni sétang witu u unez né tou lakez, a sia mondola zéi'kan nimangun si tou itii mendan rumara.

Lukas 4:35 Iomraidhean Croise

Matius 17:18

A si sétang si wia si koki itii peréntana ni Yesus i mondola. Si sétang itii é rengan i nimondola, in toro niitukan a malé'osa si koki' itii.

Matius 8:26

Taan kuan ni Yesus wia ni séra, “É kamu sé zéi'kan tahlous ma'éman, kaa kamu maindé'?” A si Yesus rumendaié a rekaken-Nama u reges wo u sempa' itii. A mapenesa u louz itii.

Markus 1:26

Si sétang itii nimangun si tou itii totoz i mahgerger, wo karia i ma'ulit mahkérét si sétang itii nimondolé im wia ni sia.

Markus 4:39

A si Yesus rumendaié a rekaken-Nama u reges itii, wo kumuama witu u louz, “Menesla! Mento'mola!” A mento'la u reges wo u louz én totoz nimapenesa.

Markus 9:26

A si sétang itii mondola karia ing kiméréta wo nimanguna si koki' itii in totoz mengesé-ngeséi. Si koki' itii ém pahileken tanu si tou nimatémo, taka-takazan lakez sé tou mahkua, “Ni sia é nimatémo.”

Lukas 11:22

Taan sa wéwéhan tou si kumetezenpé'mé sumaru wo kumala ni sia, si tou itii makumahat ang kokoro' u mahkelung si tou ketezen itii, an ipeméténgnala wia sé kakariana a sangkum kinahatnamé itii.

Lukas 4:23

Ang kuan ni Yesus wia ni séra, “Ni kamu éng kumua wia ni Aku ung kukuan kenu, ‘É dokter lé'osela un toumu in esa.’ Péléng an tinalinga nai a nimamuali witi Kapernaum ém wangunen kasiila wia u Nazaret um wanua-Mu kenu.”

Lukas 4:39

A Sia rumendaila witu ung kasaru ung kokolo'anna, a mohoma um pasu'na itii, a mazéi'ma um pasu'na itii. Si wéwéné itii é rengan in timoozé a masumelewir ni séra.

Lukas 4:41

Wo iwoho-Na kasiima sé sétang im wia sé tou lakez a séra mondolé karia i mengéré-ngérét, “Ni Komo si Oki' ni Opo Empung.” Taan si Yesus é rimekaka ni séra, wo zéi'kan iwéhé-Na séra i mahnuwu', pahpaan kata'uan néra i ni Siamo si Mesias.

Lukas 8:24

A si Yesus mawongkéné né pahtuzu'en-Na, kuan néra, “Méster, Méster ikaléwo'mo kita!” Si Yesus rumendaié a rekaken-Nama u reges repet wo un zano mahsempa' itii. U reges repet wo un zano mahsempa' é rengan i nimento'la wo u louz é nimapenesa.

Lukas 9:39

Sa mahkompo-kompo'mé si sétang sumelaza wia ni sia, si koki' itii é mahkérét wo mengesé-ngeséi akaz u sumahna é mahsewu. Si sétang itii én zéi'kan mazéi' i mahzézéha si koki' itii, wo si sétang itii én tawi soomo mondolé im wia si koki' itii.

Lukas 9:42

I si koki' itii rimétéma wia si Yesus, an iwasala ni sétang si koki' itii witu un tana' makaz un touna mengesé-ngeséiokan witu wawo un tana'. A rekakena ni Yesus si sétang itii a malé'osa si koki' itii. Tumondong niitu, an iwéhéla ni Yesus si koki' itii wia si ama'na.

Wahyu 12:12

Niitumo, o kasendukan, mahpaa-paazola, wo ni kamu péléng sé mahento' witu. Taan ikaléwo'la kamu sé wia um wawo un tana' wo sé witi tasik! Pahpaan karia in totoz maupi' si tonaas né sétang én timumpamoma wia ni kamu. Pahpaan un orasna i mahwangun a léwo' én zéi'mo mauréma.”