Lukas 4:31 - Taaz Weru Witu u Nunuwu'en Tombulu

³¹ A si Yesus mangé witi Kapernaum um wanua tua'na esa witi Galilea. Sekez in endo Sabat ni Sia mahtuzu' sé tou witu um walé peraragésan né tou Yahudi.

Lukas 4:31 Iomraidhean Croise

Matius 10:23

Sa kamu pahzézéhan néra witi wanua tua'na esa, tumingkasoma witi wanua tua'na walina. Pahpaan uli-ulit ikua-Kuma wia ni kamu: Puunala péléng am wanua tua'na witi Israel pakaangéan nioué, si Oki' ni Tou é niméyémo sumaup.

Matius 4:13

Ni Sia mondolé im witi Nazaret a mamento' witi Kapernaum, witi tembir u louz Galilea, witi tana' Zebulon wo Naftali.

Lukas 4:23

Ang kuan ni Yesus wia ni séra, “Ni kamu éng kumua wia ni Aku ung kukuan kenu, ‘É dokter lé'osela un toumu in esa.’ Péléng an tinalinga nai a nimamuali witi Kapernaum ém wangunen kasiila wia u Nazaret um wanua-Mu kenu.”

Kisah Rasul-rasul 13:50

Taan sé tou Yahudi é mahaker sé wéwéné pahsigi-sigi'en sé maindé' si Opo Empung wo sé tonaas witu um wanua tua'na itii. Ni séra zimézéha si Paulus wo si Barnabas wo nimohomé ni séra zua im witi tana' itii.

Kisah Rasul-rasul 18:4

Sekez in endo Sabat, si Paulus é mengangangé witi walé peraragésan né tou Yahudi, i mahsirita wo menutu' sé tou Yahudi wo sé tou Yunani i ma'éman wia si Yesus.