Lukas 4:28 - Taaz Weru Witu u Nunuwu'en Tombulu

²⁸ Sé tou witu um walé peraragésan né Yahudi itii én totoz maupi' in timalingamé niitu.

Lukas 4:28 Iomraidhean Croise

Matius 2:16

I si kolano Herodes mata'ula i ni sia én tinowoanoma né tou tulap sé tototi'en itii, ni sia én totoz maupi'. An iatunama sé touna i mamunu' sé lowai witi Betlehem wo sé wana am wanua tua'na makaliklik witu. Sé lowai méipekiwunu'na é sé lowai zuana ta'un wo mawa'mé. Niitu é mengiit um pinahtata'unamé wia sé tou tulap sé tototi'en, i ni séra nimilek si tototi'en itii ing kataré-taré.

Lukas 4:27

Téntu kangkasii im witu un oras ni nabi Elisa im puuna, lakez sé tou Israel tinoro ung kusta taan maan in esa én zéi'kan siapa im wia ni séra sé liné'osna, akaz uman si Naaman, si tou Siria itii.”

Lukas 4:29

A séra rumendaié a moho si Yesus i mondola witu um wanua tua'na. Um wanua tua'na itii ém witi kentur. Am pahwali nérama Sia witi ri'ping ung kentur, wo Sia toro ilombo' néra witu.

Lukas 6:11

Taan sé tou tulap un Torat wo sé sana réwok tou Farisi én totoz maupi', a séra mahkuaala um wangunen néra wia si Yesus.

Kisah Rasul-rasul 5:33

Kaitalingamé niitu, ni séra én totoz maupi' wo nimaesaan i munu' sé aatu itii.

Kisah Rasul-rasul 7:54

I sé tou méikauntep witu u Mahkamah Agama timalingamé niana péléng, ni séra én totoz maupi' makaz i mengete-ngetepokan.