Lukas 4:27 - Taaz Weru Witu u Nunuwu'en Tombulu

²⁷ Téntu kangkasii im witu un oras ni nabi Elisa im puuna, lakez sé tou Israel tinoro ung kusta taan maan in esa én zéi'kan siapa im wia ni séra sé liné'osna, akaz uman si Naaman, si tou Siria itii.”

Lukas 4:27 Iomraidhean Croise

Matius 12:4

Kura sia i nimuntepa witu un Ténda Lenas ni Opo Empung wo kura séra ing kiman u roti méiragés, a sinéro' ing kanenenna wo né mahkii-kiit ni sia, un toro uman pahkanen né walian?

Matius 8:3

A si Yesus tumiona wia si tou itii, ang kumuama, “Ni Aku ém paaz, malé'osoma.” In toro niitukan, si tou tinoro ung kusta itii é nimalé'osa.

Lukas 4:28

Sé tou witu um walé peraragésan né Yahudi itii én totoz maupi' in timalingamé niitu.

Yohanes 17:12

I ni Aku mengari-ngaria ni séra, ni Aku én timéizo ni séra karia u ngaran ni Ama' u méiwéhé wia ni Aku. Ni Aku én timéizo ni séra wo zéi'kan siapa im wia ni séra si ikalulu, akaz uman ni sia si tinotozo in ikalulu, wo malekep u méipantik witu um Pinantik Lenas.