Lukas 4:25 - Taaz Weru Witu u Nunuwu'en Tombulu

²⁵ Taan ni Aku éng kumua un ulit nimamuali, in téntii: Im witu un oras ni Elia, witi Israel é nimamuali un zéi'kan nimahuza-uzané teluna ta'un wo enemna loloho'en, akaz nimamuali ung kaahreman makaindé'en wana péléng an tana'. In toro niitu, lakez sé wéwéné mahesa-esamokan.

Lukas 4:25 Iomraidhean Croise

Matius 20:15

Wayaangku kurangku un zoitku. Kaapa ni ko menéutéu pahpaan ni aku é rumaraaté sé tou itii?’ ”

Lukas 10:21

In toro niitu, si Yesus é mahpaa-paaz wo mawuta-wuta ung kawasa ni Roh Lenas. Ang kuan ni Yesus, “Ni Aku kumuama u makasé wia ni Ko, Ama', Opo Empung u langit wo ung kaayahan. Pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'. Niitu u nimangun un até ni Ama' i mahpaa-paaz.

Roma 9:15

Pahpaan si Opo Empung éng kimuamo wia si Musa, “Ni aku é méhé u raraatéang-Ku wia si tou kapaaz-Ku im wéhan u raraatéang-Ku. Wo ni Aku é meripu' umané i mahwéhé wia si tou si kapaaz-Ku im papailekang-Ku i ni Aku é meripu' umané i mahwéhé.”

Roma 9:20

Apamo ko wé wo wuaya i mahéndo-éndoan karia ni Opo Empung? Toro wé ung kuré' tana' kumua wia si nimangun, “Kaa ni aku winangunmumé téntu?”

Efesus 1:11

Si Opo Empung nimangun péléng am péléng mengiit um paaz-Na wo un tinotoz-Namo in esa. Rengané ung kaayahan zéi'kampé' winangun, ni Sia én timotozo ni kita sé kapaaz-Na i maéndo tou-Na pahpaan nimaesa karia ni Kristus.

Efesus 1:9

Si Opo Empung nimapata'umo ung ginenang-Na u méikawunipé' wia ni kita. Ung ginenang-Na rengané im puuna mengiit um paaz-Na én tinotoz-Na i lekepen mengiité si Kristus.

Yakobus 5:17

Si Elia én tou uman masuat wo ni kita. Ni sia én uli-ulit nimengaléila wo zéi'kan muzan. Téntutuu, teluna ta'un enemna loloho'en zéi'kan nimahuza-uzané.

Wahyu 11:6

Ni séra ém wéhan ung kawasa i mapé' u langit wo zéi'kan mahuza-uzané, karegas séra i mahkua a méikuamé ni Opo Empung. Ni séra kangkasii ém wéhan ung kawasa i mangun péléng an zano maéndo zaha' wo i mukum ung kaayahan karia a meléwo' makaindé'en nimahwali-walinaan, sekez séra im paaz mangun niitu.