Lukas 4:22 - Taaz Weru Witu u Nunuwu'en Tombulu

²² Péléng sé tou é mahkua am wangun tumoro ni Sia wo mengusi-ngusingsing i mahtalinga ni Sia pahpaan um pahnuwu'en-Na ém wangun, a sé tou mahligau, “Zéi'kankuaa ni Sia si oki' ni Yusuf?”

Lukas 4:22 Iomraidhean Croise

Lukas 2:47

Wo péléng sé timalinga an ipahkua ni Yesus é mengusi-ngusingsing, pahpaan ni Sia én totoz tulap wo an ipahwingkotna én totoz timoro.

Lukas 2:48

Kaiileka ni Sia, si ama' wo si ina'-Na é mengompo'. Ang kuan ni ina'-Na wia ni Sia, “Tolé, kaa téntu um pahwangunen-Nu wia ni kai? Si ama'-Mu wo si ina'-Mu én totozo paharétan i menéro ni Ko.”

Lukas 21:15

Pahpaan ni Aku in esa si mapata'u wia ni kamu a nunuwu'en mawuta-wuta karia ang katulapan in iwingkot niou, wo sé kakoro' niou zéi'kan makawingkot um pahkua niou kaapa sumaru ni kamu.

Lukas 4:21

A Sia mahtuzu' ni séra, kuan-Na, “In endo kenu a nuwu' méipantik witu um Pinantik Lenas um binacama an tinalinga nioua ing kataré é nimamualimoma.”

Yohanes 1:45

Si Filipus mangé mahilekan karia ni Natanael ang kumua wia ni sia, “Ni kai é nimahilekano karia ni Tou si mémoipahkuamé ni Musa witu ung kitap Torat wo si mémoipahkuamé né nabi. Ni Sia é si Yesus, oki' ni Yusuf tou Nazaret.”

Yohanes 6:42

Kuan néra, “Zéi'kankuaa ni Sia é si Yesus, oki' ni Yusuf, si ina' wo ama'-Na éng kata'uanta? Kura kahuman Sia mahkua, ni Sia én timumpamé im witi kasendukan?”

Yohanes 7:46

Am wingkotela né menénéiz itii, “Zéi'kampé' siapa si tou mahnuwu' tanu ni Sia!”

Kisah Rasul-rasul 6:10

Taan ni séra zéi'kan makawawa i mahzéi-zéi'an karia ung katulapanna wo si Roh Lenas nimangun si Stefanus makawawa i mahnuwu'ma wia ni séra.

Titus 2:8

an ipahkuamu ém wéwéhan torona wo zéi'kan siapa um pahséro'an, makaz sé mahsaru ni ko é maizang pahpaan zéi'kan siapa un ikua néra i mahtawuruk tumoro ni kita.