Lukas 4:2 - Taaz Weru Witu u Nunuwu'en Tombulu

² Epatna pulu' endo ni Sia im pema'wa'en ni tonaas né sétang im witu wo ni Sia kangkasii én zéi'kan mahkan. Kumawusa niitu a Sia mendané u maharem.

Lukas 4:2 Iomraidhean Croise

Matius 21:18

Masandomé im woondo, karegas i mahlampang mawuri witi Yerusalem, si Yesus é maharemo.

Matius 4:2

Im witu si Yesus é mahpuasa epatna pulu' endo wo epatna pulu' wengi, kumawusa niitu a Sia mendané maharem.

Lukas 4:3

Ang kuan ni tonaas né sétang wia ni Sia, “Sa Ko Oki' ni Opo Empung, kuana um watu kenu maéndoma roti.”

Yohanes 4:6

Im witu ém wéwéhan um parigi um pahkuan parigi Yakub. Si Yesus én totozo marawoi pahpaan i limapang, niitumo Sia rimumezla witu un tembir um parigi itii. In toro niitu ém woo jam mapulu' wo zua.

Ibrani 2:18

Pahpaan ni Sia in esa é nimazézéhamo i ni Sia pema'wa'en, niitumo ni Sia é makawawa in tumulung ni séra sé wana am pema'wa'en.

Ibrani 4:15

Pahpaan si Yesus, si Walian Wangko'ta én toro kangkasii mendan an zéi'kan enté'ta. Ni Sia ém pinema'wa'mo i ni Sia wia ung kaayahan tanu am pahpendanenta in tarékan, taan ni Sia én zéi'kan nimahwangunla a singkéla'.