Lukas 4:18 - Taaz Weru Witu u Nunuwu'en Tombulu

¹⁸ “Si Roh ni Opo Empung ém wia ni Aku, pahpaan ni Sia si timotoz ni Aku, i mahwoka' u Nuwu' Lé'os wia sé tou zéi'kan siapa apa; wo ni Aku é méiatu-Na

Lukas 4:18 Iomraidhean Croise

Matius 11:5

sé letok én toromo mahilek, sé lailai én toromo mahlampang, sé tinoro ung kusta é lé'oso, sé lunteng é mahtalingamo, sé nimatémo é méitoumomé sumaup wo sé tou zéi'kan siapa apa én timalingamo u Nuwu' Lé'os um wia si Opo Empung a méyé.

Matius 12:18

“Si kenumo si Ata si pinéléng-Ku, si kararaaté-Ku wo si kapaaz-Ku. Si Roh-Ku én iwéhé-Ku wia ni Sia wo ni Sia é mapailek an zéi'kan mahsanaweka wia sé tahsasana wanua.

Matius 12:20

Um wakélna um wungana ung kuhun um peku'mo én zéi'kan repesen-Na, wo u solo mahpirpirokané én zéi'kan patén-Na. Ni Sia é mangun un zéi'kan mahsanaweka kumala u mahsanaweka.

Matius 4:16

sé tahsasana wanua mahento' wana ang karimbengbengan, é nimileko u Sena' Wangko'. Wo im wia ni séra sé mahento' witu un tampa kinawasa um patéan, u Sena' itii é mahsena'moma wia ni séra.”

Matius 5:3

“Mahpaa-paazola sé tou zéi'kan siapa apa wo niméré' uman wia si Opo Empung, pahpaan ni séramo sé makaanu ung Kakolanoan ni Opo Empung.

Lukas 4:17

Ni Sia ém winéhanla um Pinantik Lenas um pinantik ni nabi Yesaya, am pitaren-Nala um Pinantik Lenas itii ang kailekan-Nala u méipantik in téntii,

Lukas 6:20

A si Yesus mileka wia sé pahtuzu'en-Na ang kumua, “Mahpaa-paazola, é ni kamu sé tou zéi'kan siapa apa, pahpaan ni kamumo sé makaanu ung Kakolanoan ni Opo Empung.

Lukas 7:22

A séra wingkotela ni Yesus, “Mangémo wo maikuala wia si Yohanes an tinalinga wo a niilek niou: sé letok én toromo mahilek, sé lailai én toromo mahlampang, sé tinoro ung kusta é lé'oso, sé lunteng é mahtalingamo, sé tou nimatémo é méitoumomé sumaup, wo sé tou zéi'kan siapa apa én timalingamo u Nuwu' Lé'os um wia si Opo Empung a méyé.”

Yohanes 1:41

Si Andreas ing kataré-taré é nimahilekan karia ni Simon si katuarina ang kumua wia ni sia, “Si Mesias éng kinailekan naimo (Mesias ung kalakoana éng Kristus).”

Yohanes 12:46

Ni Aku é niméyé wia ung kaayahan kenu in tou si nimahalimé u sena', wo sé tou sé ma'éman wia ni Aku én zéi'kan mahwitu-witu ung karimbengbengan.

Yohanes 3:34

Séi si méiatumé ni Opo Empung, ni Siamo si mahwoka' u nuwu' ni Opo Empung, pahpaan si Opo Empung é niméhémé wia ni Sia si Roh-Na karia in zéi'kan siapa akazna.

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 26:18

i mangun am weren néra mawula', wo ni séra zéi'mo menou-nou witu ung karimbengbengan taan menou-nou witu un ayah. Wo menou-nou zéi'mo kinawasa ni tonaas né sétang taan mahkiito um paaz ni Opo Empung. Wo pahpaan um pa'émanen néra wia ni Aku, ni séra é makailek un ampungan wana a singkéla' néra. Wo ni séra kasii é makailek um wéwéténgan im wana an tinotozo in iwéhé ni Opo Empung wia sé tou sé linenas-Na.’

Kisah Rasul-rasul 4:26

Sé kolano wia ung kaayahan én timégamo wo sé mahkawasa é nimaréwoko, i sumaru si Opo Empung wo si Kristus si méitaaz-Na.’

Kisah Rasul-rasul 4:27

Pahpaan un ulitna wia um wanua tua'na kenu é nimaréwoko si Herodes, si Pontius Pilatus, wo sé tahsasana wanua karia né suzu né Israel i sumaru si Yesus, si Ata-Mu Lenas, si Pinéléng-Mu.

Kolose 1:13

Ni Sia si nimilotomé ni kita im witu ung kawasa ni sétang si wana ang karimbengbengan wo ni Sia kangkasii nimahwali ni kita witi tampa sumena-sena', ung Kakolanoan ni Oki'-Na si ikararaaté-Na.

Yakobus 2:5

Katuari-katuari ikararaatéku! Talingana, zéi'kankuaa si Opo Empung é niméléng sé tou sé pahkuan né tou wia ung kaayahan kenu in tou zéi'kan siapa apa, i maéndo tou wa'ilan witu um pa'émanen, wo maéndo tou-Na witi Kakolanoan-Na, tanu u méitaaz-Na wia sé tou rumaraaté ni Sia?

1 Petrus 2:9

Taan ni kamumo sé pinéléng ni Opo Empung, walian i mahpaayang wia si Opo Empung si Kolano, tahsasana wanua linenas, nimaéndo tou méisanapa' wia ni Sia, wo ni kamu mahwoka' am pahwangunen ni Opo Empung an totoz wangko'. Si Opo Empung si timawahmomé ni kamu mondolé im witu ung karimbengbengan a muntep witu un ayah-Na un totoz makakompo'en.