Lukas 4:1 - Taaz Weru Witu u Nunuwu'en Tombulu

¹ Si Yesus nimawurimomé im witi so'so'an Yordan, ni Sia éng kinawasa ni Roh Lenas. Si Roh Lenas mahwalima si Yesus witi kapelasan.

Lukas 4:1 Iomraidhean Croise

Matius 3:16

I si Yesus sinaranimola, a Sia rengan mondolé im witu un zano. In toro niitukan, a mawukama u langit an ileken-Nama si Roh ni Opo Empung tanu si bombo timumpama witu um wawo-Na.

Lukas 2:27

Si Roh Lenas nimahkita si Simeon muntep witu um Walé ni Opo Empung. In toro niitu a muntepa si Yusuf wo si Maria i mangun wia si Yesus tanu an tinotoz witu un ukum Torat.

Lukas 3:3

A si Yohanes mangé wana péléng am wanua witi tana' rété so'so'an Yordan i mahtuzu' un téntii, “Itula'umola a singkéla' niou wo iwéhémola un tou niou i saranin wo a singkéla' niou ampungan ni Opo Empung.”

Lukas 3:38

oki' ni Enos, oki' ni Set, oki' ni Adam, oki' ni Opo Empung.

Lukas 4:14

A si Yesus mangé witi Galilea karia ung kawasa ni Roh Lenas. Tumoro ni Sia é méikawoka'moma wana péléng an tana' itii.

Lukas 4:18

“Si Roh ni Opo Empung ém wia ni Aku, pahpaan ni Sia si timotoz ni Aku, i mahwoka' u Nuwu' Lé'os wia sé tou zéi'kan siapa apa; wo ni Aku é méiatu-Na

Yohanes 1:32

Tumondong niitu si Yohanes Menanarani mahkua tumoro a niilek wo an tinalingana, kuana, “Ni aku é nimileko si Roh ni Opo Empung timumpamé im witi langit tanu si bombo menéwé-néwél nimento' witu um wawo-Na.

Yohanes 3:34

Séi si méiatumé ni Opo Empung, ni Siamo si mahwoka' u nuwu' ni Opo Empung, pahpaan si Opo Empung é niméhémé wia ni Sia si Roh-Na karia in zéi'kan siapa akazna.

Kisah Rasul-rasul 1:2

makaz un endo ni Sia i mawénéta nimangé witi kasendukan. Puunala niitu ni Sia é niméhé um perénta mengiité si Roh Lenas wia sé aatu sé pinéléng-Na.

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 8:39

I ni séra nimondolé im witu un zano, kumompo'mé si Filipus é méipahwalimoma ni Roh ni Opo Empung nimondolé im witu wo si tonaas itii én zéi'mo nimileka ni sia. Si tonaas itii é meméhé-méhé i mahlampang karia i mahpaa-paaz.