Lukas 3:8 - Taaz Weru Witu u Nunuwu'en Tombulu

⁸ Niitumo, ipapailekla wana am pahwangunen niou i ni kamu én timula'umola a singkéla' niou! Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, ‘Si Opo Empung én toro mangun am watu kenu maéndo suzu ni Abraham.’

Lukas 3:8 Iomraidhean Croise

Matius 21:43

Niitumo, ikua-Kuma wia ni kamu, péléng an tinotozo in iwéhé wia ni kamu im witi Kakolanoan ni Opo Empung ém pakaéndon im wia ni kamu wo maiwéhé sé tahsasana wanua walina sé makumiit am perénta-Na. [

Matius 3:8

Niitumo, ipapa- ilekla wana am pahwangunen niou i ni kamu én timula'umola a singkéla' niou.

Matius 3:9

Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, si Opo Empung én toro mangun am watu kenu maéndo suzu ni Abraham!

Lukas 13:25

Sa si makawalé rimendaio a meneta um pepenet, ni kamu é rumendai witi ondol wo menéngko-néngkor. Ni kamu mahkuama, ‘Tuang, wukaan ndootuumé kai!’ A Sia mingkoté, kuan-Na, ‘Ni kamu én zéi'kan kata'uang-Ku wisa a méyé.’

Lukas 13:26

Ang kuan niouo, ‘Ni kaimo sé nimahkanomé wo nimahelepomé karia ni Tuang wo im wana a lalan witi wanua tua'na nai, si Tuang é nimahtuzu'mé ni kai.’

Lukas 14:9

Sa mawiamé si tou pahsigi'en itii, a si makapésta si kimua ni ko méyé wia ni ko ang kuana, ‘U rurumezan kenu é rumezan ni sakéi totoz pahsigi'en kenu.’ Karia i maizang ni ko é mérama witi totoz muri.

Lukas 19:40

Am wingkotela ni Yesus, “Ikua-Kuma wia ni kamu, ‘Sa séra menesla, am watu kenu éng kumérét.’ ”

Lukas 19:9

Ang kuan ni Yesus wia ni sia, “In endo kenu ni ko karia né wia um walé kenu én ipilot im witu un ukuman wana a singkéla', pahpaan ni ko kangkasii é suzu ni Abraham.

Lukas 5:21

Timalingamé niitu, sé sana réwok tou Farisi wo sé tou tulap un Torat mahgenang in téntii, “Séi kuaa ndéén si tou mahséro' wia si Opo Empung kenu wé? Séi si tou toro méhé un ampungan wana a singkéla' né tou sa zéi'kan si Opo Empung?”

Yohanes 8:33

A séra mingkotla, “Ni kai é suzu ni Abraham wo zozo' in esa ni kai én zéi'kampé' pinahata-atala né tou. Kura kahuman Ko mahkua i ni kamu én ipilot im witu um pahata-atan?”

Yohanes 8:39

A séra mingkotla wia si Yesus, “Si ama' nai é si Abraham.” Kuan ni Yesus wia ni séra, “Sa ni kamu uli-ulit suzu ni Abraham, tantumo ni kamu é mahwangun am pahwangunen ni Abraham.

Kisah Rasul-rasul 26:20

Ing kataré-taré, ni aku é mahwoka' wia sé tou witi Damsyik, witi Yerusalem wo wana péléng am wanua witi tana' Yudea, i ni séra é léwo'zéi' tumula'ula a singkéla' néra wo mawuri sumaup wia si Opo Empung. Wo kasii mahwangun uman am pemamangunen né tou sé timula'umola a singkéla' néra.

Roma 4:16

Niitumo, pahpaan um pa'émanen wia si Opo Empung a makailek un taaz-Na. Un taaz itii é makailekan pahpaan ung kamang méitambéré ni Opo Empung. Niitu é makailekan péléng né suzu ni Abraham, zéi'kan uman sé tou mahkiit un ukum Torat, taan kasii wia sé tou ma'éman tanu um pa'émanen ni Abraham, si ama'ta péléng sé ma'émano.

Roma 9:7

Zéi'kan péléng sé suzu ni Abraham é makailek u méitaaz ni Opo Empung wia si Abraham. Pahpaan ni Sia éng kimua wia si Abraham, “Si suzu ni Ishak uman si makuan suzumu.”

Filipi 1:11

Ni aku kasii é mengaléi wo kamu toro memangu-mangun an ulit. Si Yesus Kristus uman si toro mangun ni kamu mangun niitu i mahsigi' wo mahlooz si Opo Empung.