Lukas 3:16 - Taaz Weru Witu u Nunuwu'en Tombulu

¹⁶ A mingkotla si Yohanes wia sé tou lakez itii, “Ni aku é mahsarani ni kamu karia un zano, taan ni Sia si méyé, ung kawasa-Na é lumouspé'mé ung kawasaku. Maan i mowar uman un tali sapatu-Na ni aku én zéi'kan wangun. Ni Sia é sumarani ni kamu karia si Roh Lenas wo un api.

Lukas 3:16 Iomraidhean Croise

Matius 3:11

Ni aku é mahsarani ni kamu karia un zano, un tumuzu'mé ni kamu én timula'umola a singkéla' niou. Taan ni Sia si tumondongé ni aku, ni Siapé' si mahkawasa taan ni aku. Maan i muka uman u sapatu-Na, ni aku én zéi'kan wangun. Ni Sia masumarani ni kamu karia si Roh Lenas wo un api.

Matius 3:12

Un tataap ém witumo u lengen-Na in tumaap ang gandum makaz i maweresi. Ang gandum wangun é réwoken-Na witi pelélé'osan ang gandum, taan péléng am pesel é la'ungen-Na witu un api zéi'kan mahpaté.”

Yohanes 1:26

A si Yohanes mingkotla wia ni séra, “Ni aku é mahsarani karia un zano, taan witu un unez niou é makarendai ni Sia si zéi'kan kata'uan niou,

Yohanes 1:27

ni Sia si niméyé timondongé ni aku. Maan i mowar uman un tali sapatu-Na ni aku én zéi'kan wangun.”

Yohanes 1:33

Wo ni aku in esa im puuna én zéi'kan mata'u ni Sia, taan si Opo Empung si nimatumé ni aku i mahsarani karia un zano éng kimuamo wia ni aku, ‘Sa ko milek si Roh itii timumpama wia si tou wo mento'la wia ni Sia, ni Siamo si mésumarani karia si Roh Lenas.’

Yohanes 7:38

Séi uman si ma'éman ni Aku, tanu u méipantik witu um Pinantik Lenas: im witu un aténa én tanu mahso'so'mé u so'so'an mahwéhémé un zano katou-touan.”

Kisah Rasul-rasul 1:5

Pahpaan im puuna si Yohanes menanarani é mahsarani karia un zano, taan zéi'mo mauréma ni kamu é saranin karia ni Roh Lenas.”

Kisah Rasul-rasul 10:44

Karegaspé' si Petrus i mahnuwu', an tumumpamé si Roh Lenas ang kumawasama wia péléng sé tou mahtalinga an ipahkuana itii.

Kisah Rasul-rasul 2:33

Tumondongla niitu, ni Sia é méirakék ni Opo Empung a makaileké si Roh Lenas si méitaaz ni Ama'. An itumpa-Namé si Roh itii tanu a niilek wo tinalinga niou wia un tampa kenu.

1 Korintus 12:13

Ni kita in tou Yahudi kaapa zéi'kan tou Yahudi, ata kaapa zéi'mo ata é nimaéndo esa pahpaan ni kita péléng é sinarani ni Roh Lenas nimaéndo tanu esa awak. Ni kita péléng é nimakailek si Roh Lenas itii kangkasii witu un até.