Lukas 3:1 - Taaz Weru Witu u Nunuwu'en Tombulu

¹ In toro niitu, si Kaisar Tiberius é mapulu' wo limana ta'uno i mahperénta wo si niéndo gubernur witi Yudea é si Pontius Pilatus. Si niéndo kolano witi tana' Galilea é si Herodes wo si niéndo kolano witi tana' Iturea wo Trakhonitis é si Filipus tuarina. Si niéndo kolano witi tana' Abilene é si Lisanias.

Lukas 3:1 Iomraidhean Croise

Matius 14:1

In toro niitu, si Herodes Antipas si kolano witi Galilea én timalingala a sirita tumoro si Yesus.

Matius 14:3

Si Herodes é mahgenangla in téntu, pahpaan im puuna si Yohanes é méipekitiona an iuntepna witu um bui. Winangunna téntu pahpaan si Yohanes é siméro'la si Herodes ing kumawéng si Herodias, si mahayo ni Filipus katuarina.

Matius 14:6

Taan im witu un endo i lumé'os un endo kinatouan ni Herodes, si raraha ni Herodias é mahmanari witu u sinaru ni Herodes wo né sakéina, a mangun si Herodes totoz mahpaa-paaz.

Matius 22:17

Sa ikiit si Méster, toro wé i maér am pajak wia si Kaisar kaapa zéi'kan?”

Matius 27:2

A Sia apusen nérala an ipahwalima i maiayo wia si Pilatus, si gubernur witi tana' itii.

Markus 6:17

Si Herodes é mahkua in téntu, pahpaan ni sia si nimatuma si touna i matumion si Yohanes a mapusla ni sia an iuntepa witi bui. Si Herodes nimangun un téntu, pahpaan u nimamuali karia ni Herodias, si mahayo ni Filipus, tuarina in esa, ing kinawéngnala.

Markus 6:21

An ikaayola witu un endo wangun ni Herodias i mangun ung ginenangna. Un endo itii, i si Herodes mésta i lumé'os un endo kinatouanna. Sé kinuana é sé tou pahpuu-puuna, sé tonaas né suraro wo sé tou pahsigi-sigi'en im witi Galilea.

Lukas 13:31

In toro niitu, wéwéhan sé woopira sé wia sé sana réwok tou Farisi méyé wia si Yesus. Kuan néra, “Mangémo-Ko, zumou'ma im wia'i! Pahpaan si Herodes é mahwuwunu' ni Ko.”

Lukas 2:1

Zéi'kan uré si Yohanes i nimatoumé, si Kaisar Agustus nimerénta im péléng sé tou witi kakolanoanna, a ngaran néra én ipantik wo toro kata'uan ung kalakez né tou.

Lukas 23:24

A si Pilatus tumotozla ing kiitan um penutu'en néra.

Lukas 3:19

Taan pahpaan si kolano Herodes é sinéro'la ni Yohanes ing kinawéngnala si Herodias si mahayo ni Filipus si totoz katuarina wo a léwo'an walina am pemangu-mangunenna,

Lukas 9:7

In toro niitu, si kolano Herodes si mahperénta witi tana' Galilea. Ing kinatalingaannala am pahwangunen ni Yesus, ni sia é malinganga. Pahpaan wéwéhan sé mahkua i si Yesus é si Yohanes Menanarani si méitoumé sumaup wia sé nimaté.

Kisah Rasul-rasul 23:26

“U sigi'ku, Klaudius Lisias wia si gubernur Feliks pahsigi'engku.

Kisah Rasul-rasul 24:27

Taan i nimalekepola un zuana ta'un, si Feliks é sinawelan ni Perkius Festus ing gubernur. Pahapaan si Feliks é maheenou sé tou Yahudi, niitumo si Paulus én zéi'kan méipilotnamé im witi kinenusan ni sia.

Kisah Rasul-rasul 26:30

A si kolano Agripa, si gubernur Festus, si Bernike, wo péléng sé tou rimumez karia néra é rengan rimendaié.

Kisah Rasul-rasul 4:27

Pahpaan un ulitna wia um wanua tua'na kenu é nimaréwoko si Herodes, si Pontius Pilatus, wo sé tahsasana wanua karia né suzu né Israel i sumaru si Yesus, si Ata-Mu Lenas, si Pinéléng-Mu.