Lukas 24:6 - Taaz Weru Witu u Nunuwu'en Tombulu

⁶ Ni Sia én zéi'mo wia'i, ni Sia é nimatoumomé sumaup. Amoké genangen nioula u méikua-Namo wia ni kamu im witipé' Galilea,

Lukas 24:6 Iomraidhean Croise

Matius 12:40

Pahpaan tanu si nabi Yunus én teluna endo wo teluna wengi im witu um poot ni seza' tua'na, téntu kangkasii si Oki' ni Tou én teluna endo wo teluna wengi witu lalem un tana'.

Matius 16:21

Rengan in toro niitu, pahpakaulito ni Yesus wia sé pahtuzu'en-Na, i ni Sia é léwo'zéi' i mangé witi Yerusalem. Im wana ni Sia é mazéhan né pahtutu'an né tou Yahudi, né tonaas né walian wo né tou tulap un Torat. Ni Sia ém wunu'en, taan witu un endo katelu ni Sia én itou sumaup ni Opo Empung.

Matius 27:63

ang kuan néra, “Tuang, kinagenangan naila i si tantowo itii i menou-noupé' éng kimua, ‘Kumawusa un teluna endo ni Aku é matou sumaup.’

Matius 28:6

Ni Sia én zéi'mo wia'i pahpaan ni Sia é méitoumomé sumaup ni Opo Empung tanu u mémoikua-Nala. Méyé wia'i wo ilekené u zinetaan ni Sia.

Markus 16:6

Taan si tarétumou itii éng kimuama wia ni séra, “Tia'mo maindé'! Kata'uangku sa ni kamu é menéro si Yesus, si tou Nazaret si sinalip itii. Ni Sia én zéi'mo wia'i. Ni Sia é méitoumomé sumaup ni Opo Empung. Ilekena! Kenumo u zinetaan nérala ni Sia.

Markus 8:31

A si Yesus rengan i mahtuzu' wia sé pahtuzu'en-Na i si Oki' ni Tou é léwo'zéi' i mazéha wo kasoo né pahtutu'an né tou Yahudi, né tonaas né walian wo né tou tulap un Torat, wo sé tou é munu' ni Sia, taan ni Sia é matou sumaup witu un endo katelu.

Lukas 24:34

A séra kumua, “Totoz ulit si Yesus si Mahpiara nimatoumomé sumaup wo ni Sia é nimapaileko un tou-Na wia si Simon.”

Lukas 24:5

Ni séra én totoz kinaindé'an ang kumuruzla wo ung gio néra é nimakaz witu un tana'. Taan sé tou zua itii éng kimua wia ni séra, “Kaa kamu menéro ni Sia si menou-nou im wia sé nimaté?

Lukas 9:22

Tumondongé niitu, kuan ni Yesus, “Si Oki' ni Tou é léwo'zéi' i masaan an zézéha wo kasii kasoo né tu'a-tu'a né Yahudi, né tonaas né walian wo né tou tulap un Torat. Wo ni Sia ém wunu'en taan witu un endo katelu én itou sumaup im wia sé nimaté.”

Lukas 9:44

“Talinga nioua wo totoz wéhanla genang un ikua-Kuma kenu, ‘Si Oki' ni Tou é maiayo witu ung kawasa né tou.’ ”

Kisah Rasul-rasul 2:24

Taan ni Sia é méitoumé sumaup ni Opo Empung wo nimiloté ni Sia im witu un zéha um patéan, pahpaan ni Sia én zéi'kan mamuali i memitu-mitu ung kawasa um patéan.

2 Tesalonika 2:5

Kinaliuzan niouola itu wé, i ni aku memali-malipé' karia niou, niitu péléng é méipengua-nguakumo wia ni kamu?