Lukas 24:41 - Taaz Weru Witu u Nunuwu'en Tombulu

⁴¹ Taan ni séra én zéi'kampé' ma'éman pahpaan sé totoz mahpaa-paaz wo mengusi-ngusingsingpé'. Ang kuan ni Yesus wia ni séra, “Wéwéhan kakanen kamu im wia'i?”

Lukas 24:41 Iomraidhean Croise

Markus 16:11

Taan in timalingala u siritana i ni sia é nimileké si Yesus si nimatoumomé sumaup, ni séra én zéi'kan ma'éman.

Markus 16:13

A séra mawurima i mapata'u wia sé kakaria néra walina i ni séra é nimahilekanomé karia ni Yesus. Taan sé kakaria néra kasii én zéi'kan ma'éman.

Markus 16:14

Ing kamurian, si Yesus é nimapaileka un tou-Na wia sé mapulu' wo esa pahtuzu'en-Na, karegas séra i mahkan. Ni séra é sinéro'-Nala pahpaan ung kaketéhan un até néra wo pahpaan zéi'kan ma'éman wia sé tou nimilekomé ni Sia i nimatoumomé sumaup.

Markus 8:7

Ni séra kangkasii ém wéwéhan sé seza' kori' woopira. Endo-Namé sé seza' itii a Sia kumuama u makasé wia si Opo Empung, an iatu-Nama sé pahtuzu'en-Na i maméténg sé seza' itii wia sé tou lakez.

Lukas 24:11

Taan witu ung genang né pahtuzu'en-Na um pahkua né wéwéné itii én zéi'kan ulit wo zéi'kan pa'émanen néra.

Lukas 24:40

Karegas mahkua niitu, a Sia mapailek u lengen wo un a'é-Na wia ni séra.

Lukas 24:42

A Sia wéhan nérala u sana ketor seza' tinunu.

Yohanes 16:22

Téntu kangkasii ni kamu, in tarékan un até niou é rumara, taan ni Aku é mahilekan sumaup karia niou, niitumo un até niou é mahpaa-paaz, wo zéi'kan siapa si tou toro méndo u mahpaa-paaz itii im witu un até niou.

Yohanes 21:5

Kuan ni Yesus wia ni séra, “É kamu oki'-Ku, wéwéhan seza' kamu?” Wingkoten nérala, “Zéi'kan siapa.”

Kisah Rasul-rasul 12:14

In tinalinganamé si mahtawahmé itii, rengan ing kinata'unala i si tou itii é si Petrus. Taan pahpaan u mahpaa-paaznakan um pepenet én zéi'mo taré winukanama. Ni sia é nimuntep uman taréma sumaup a makumua wia sé tou witi untep sa si Petrus ém witimo loloangan.