Lukas 23:7 - Taaz Weru Witu u Nunuwu'en Tombulu

⁷ Ing kinata'uanla ni Pilatus i si Yesus én tou Galilea, un tampa kinawasaan ni Herodes, a Sia pekiwalinama in isaru wia si Herodes, si in toro niitu kangkasii ém witi Yerusalem.

Lukas 23:7 Iomraidhean Croise

Matius 14:1

In toro niitu, si Herodes Antipas si kolano witi Galilea én timalingala a sirita tumoro si Yesus.

Matius 14:3

Si Herodes é mahgenangla in téntu, pahpaan im puuna si Yohanes é méipekitiona an iuntepna witu um bui. Winangunna téntu pahpaan si Yohanes é siméro'la si Herodes ing kumawéng si Herodias, si mahayo ni Filipus katuarina.

Matius 14:6

Taan im witu un endo i lumé'os un endo kinatouan ni Herodes, si raraha ni Herodias é mahmanari witu u sinaru ni Herodes wo né sakéina, a mangun si Herodes totoz mahpaa-paaz.

Markus 6:14

Si kolano Herodes kasii én timalingamola an tumoro si Yesus, pahpaan u ngaran ni Yesus én ipahkua-kuamo wo wéwéhan sé mahkua, “Si Yohanes Menanarani é méitoumomé sumaup im wia sé nimaté, niitumo ni Sia ém wéwéhan kawasa i mahwangun a makakompo'en.”

Lukas 13:31

In toro niitu, wéwéhan sé woopira sé wia sé sana réwok tou Farisi méyé wia si Yesus. Kuan néra, “Mangémo-Ko, zumou'ma im wia'i! Pahpaan si Herodes é mahwuwunu' ni Ko.”

Lukas 23:6

In timalingamé niitu, a si Pilatus meligau, “Si Tou kenu ndéén én tou Galilea?”

Lukas 3:1

In toro niitu, si Kaisar Tiberius é mapulu' wo limana ta'uno i mahperénta wo si niéndo gubernur witi Yudea é si Pontius Pilatus. Si niéndo kolano witi tana' Galilea é si Herodes wo si niéndo kolano witi tana' Iturea wo Trakhonitis é si Filipus tuarina. Si niéndo kolano witi tana' Abilene é si Lisanias.

Lukas 9:7

In toro niitu, si kolano Herodes si mahperénta witi tana' Galilea. Ing kinatalingaannala am pahwangunen ni Yesus, ni sia é malinganga. Pahpaan wéwéhan sé mahkua i si Yesus é si Yohanes Menanarani si méitoumé sumaup wia sé nimaté.

Kisah Rasul-rasul 4:27

Pahpaan un ulitna wia um wanua tua'na kenu é nimaréwoko si Herodes, si Pontius Pilatus, wo sé tahsasana wanua karia né suzu né Israel i sumaru si Yesus, si Ata-Mu Lenas, si Pinéléng-Mu.