Lukas 23:43 - Taaz Weru Witu u Nunuwu'en Tombulu

⁴³ A si Yesus mingkotla wia ni sia, “Uli-ulit ikua-Kuma wia ni ko, in endo kenu ni ko é mahwali-wali karia-Ku witi Firdaus.”

Lukas 23:43 Iomraidhean Croise

Lukas 19:10

Pahpaan si Oki' ni Tou é méyé i menéro sé tou méikalulu wo milot ni séra im witu un ukuman wana a singkéla'.”

Lukas 23:42

A sia kumua kasii, “Yesus, genangen ndootuumé ni aku i ni Ko méyé ing Kolano.”

Yohanes 14:3

Sa ni Aku nimangémomé witu wo nimimekomé un tampa niou, ni Aku é méyé sumaup wo mahwali ni kamu mangé witi pahwéha-wéhang-Ku, wo wisa uman un angéang-Ku, ni kamu kasii ém witu.

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

2 Korintus 5:8

Taan un até nai én enté', wo ung kapaaz nai én tumula'uma un awak wia ung kaayahan kenu wo lamahwali-wali karia ni Mahpiara witi kasendukan.

Filipi 1:23

Ni aku ém wutez i méléng, taan tawimo ni aku matéma wo mamento' mahwali-wali karia ni Kristus.

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

Wahyu 2:7

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung, ni sia én énéang-Ku ing kuman um wua'na ung kai u mahwéhémé ung katou-touan, um witu un Uma ni Opo Empung.’ ”