Lukas 23:41 - Taaz Weru Witu u Nunuwu'en Tombulu

⁴¹ Ni kita ém wangun in ukumen pahpaan ung kenumo um wawaér wana am pemuali-mualinta, taan si Tou kenu én zéi'kan siapa u sinala' zozo' in esa.”

Lukas 23:41 Iomraidhean Croise

Matius 27:19

Karegaspé' si Pilatus rimumez witu u rurumezan pahtotozan ulit kaapa zéi'kan am pahwangunen né tou, a si mahayona matumé tou i mékumua wia ni sia in téntii, “Ni ko én tia'mo mahkari-karia sé tou sé mahtoké si tou ulit itii. Pahpaan ni aku én totoz zézéha i nima'ipila si tou itii ing kawengi.”

Matius 27:24

I si Pilatus nimilekla in zéi'mo siapa un toro wangunenna, taantaré mahrikoka'moma, sia méndomé un zano an zumanola witu u saru-sarun né tou lakez, ang kumuama, “Ni aku én zéi'kan siapa sinala' im witu un zaha' ni tou kenu, ni kamu sé mamengali niitu!”

Matius 27:4

Kuana, “Ni aku é simingkéla'mola pahpaan nimayo un zaha' ni tou zéi'kan siapa sinala'.” Taan ni séra é nimingkotla, “Azimu! Niitu én zéi'kan kata'uan nai!”

Matius 27:54

Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Lukas 23:40

Taan si walina é siméro'la, “Zéi'kan ikaindé'mu wé si Opo Empung, pahpaan ni ko é nimakailek un ukuman masuat karia-Na?

Lukas 23:42

A sia kumua kasii, “Yesus, genangen ndootuumé ni aku i ni Ko méyé ing Kolano.”

1 Tesalonika 2:10

Ni kamu, téntu kangkasii si Opo Empung é mata'u i ni kai é menou-nou karia un até weresi, zéi'kan mahsanaweka wo zéi'kan penuwu-nuwu'en né tou i menou-nou mahwali-wali karia niou, sé ma'émano.

Yakobus 4:7

Niitumo, iwéhéla un tou niou wo kumiitla si Opo Empung, sarula si tonaas né sétang, wo sia tumingkasé im wia ni kamu.

1 Petrus 1:19

taan ni kamu én tinubuso karia un zaha' ni Kristus un totoz mahal. Si Kristus é masuat wo si anak ni domba si totoz wangun wo zéi'kan siapa um pahséro'an si kerizen in iragés.

1 Petrus 2:23

I ni Sia ipahsalou né tou, ni Sia én zéi'kan mahwingkot karia a sasalou. I ni Sia nimendan an zézéha, ni Sia én zéi'kan timaaz i maér, lumousé niitu un tou-Na é méiwéhé-Nala wia si Opo Empung, si zéi'kan mahsanaweka i mahtotoz ulit kaapa zéi'kan am pahwangunen né tou.