Lukas 23:31 - Taaz Weru Witu u Nunuwu'en Tombulu

³¹ Ni Aku éng kimuama un téntu pahpaan sa im wia ni Aku si zéi'kan nimahwangu-wangunla a singkéla' ni séra é nimangun an téntu, tantumo im wia ni kamu sé mahwangun a singkéla', ni séra é mangun a lumouspé'mé niitu. Ni Aku én tanu ung kai mata'pé' un zéi'kan mala'ung péléng in tutungana, taan ni kamu én tanu ang kai pera u mala'ung péléng in tutungana.”

Lukas 23:31 Iomraidhean Croise

Matius 3:12

Un tataap ém witumo u lengen-Na in tumaap ang gandum makaz i maweresi. Ang gandum wangun é réwoken-Na witi pelélé'osan ang gandum, taan péléng am pesel é la'ungen-Na witu un api zéi'kan mahpaté.”

Lukas 23:30

In toro niitumo sé tou é mahkua wana ang kentur, ‘Marewamomé wo ikaempisé wia ni kai!’ Wo wana ang kimeleng, ‘Tawunanomé kai!’

Lukas 23:32

Wéwéhan kasii sé zua tou walina, sé tou léwo' méipahwali i maukumen wunu'en karia-Na.

Yohanes 15:6

Séi uman si zéi'kan nimaesa karia-Ku, ni sia én tanu am panga pera a maitia' wo réwoken né tou wo ilombo' witu un api wo la'ungen.

Ibrani 6:8

Taan sa un tana' itii én tinouan umané ang kuhun wo an zukut menulah, un tana' itii én zéi'kan siapa torona. Un tana' itii ém wéhan ni Opo Empung un epa' wo ing kamurian ém pakala'ungen.

Yudas 1:12

Ni séra én tanu a sezingna im wia ni kamu. Pahpaan i ni kamu mahkan mahwali-wali ing gumenang u raraatéan ni Opo Empung, ni séra én zéi'mo siapa izangna i mahkan wo zéi'kan mahgenang sé tou walina. Ni séra én tanu a ninahak zéi'kan mamuali uzan un ipahwali-wali uman u reges. Ni séra én tanu uman ung kai zéi'kan mahwua' im witu un oras i mua', um winutwutan an ahmutna wo uli-ulit nimaté.