Lukas 23:2 - Taaz Weru Witu u Nunuwu'en Tombulu

² Im witumo u sinaru ni Pilatus a séra mahtoké tumoro si Yesus, kuan néra, “Si Tou kenu é mahlululu sé tahsasana wanua nai. Pahséro'en-Na sé tou i mahwaér um pajak wia si Kaisar. Ni Sia kasii mahkua i ni Sia é si Kristus, si Kolano.”

Lukas 23:2 Iomraidhean Croise

Matius 17:27

Taan, wo séra zéi'kan maupi', mangémo mamopasé witi louz. Éndoné si seza' kataré niopasmumé wo wukala u sumahna, witu u sumah ni seza' itii ém wéwéhan un zoit un toro iwaér um pajakta zua witi Walé ni Opo Empung. Éndoné an zoit itii wo maiwaéré wia ni séra um pajak-Ku wo um pajakmu.”

Matius 22:21

A séra mingkotla, “Gio wo ngaran ni Kaisar.” Ang kuan ni Yesus wia ni séra, “Iwéhéla wia si Kaisar u léwo'zéi' iwéhé wia si Kaisar, wo iwéhéla wia si Opo Empung u léwo'zéi' iwéhé wia si Opo Empung.”

Matius 27:11

A si Yesus isaru nérala wia si gubernur Pilatus. Si gubernur itii é meligau wia ni Sia, “Ni Ko si Kolano né tou Yahudi?” A si Yesus mingkotla, “Ni ko in esa si kimuamé niitu.”

Markus 12:17

Ang kuan ni Yesus wia ni séra, “Iwéhéla wia si Kaisar u léwo'zéi' iwéhé wia si Kaisar, wo iwéhéla wia si Opo Empung u léwo'zéi' iwéhé wia si Opo Empung!” Tumalingamé niitu, ni séra é mengusi-ngusingsing.

Markus 15:2

Ikaayola wia si Pilatus, a si Pilatus meligau wia ni Sia, “Ni Ko si Kolano né tou Yahudi?” A si Yesus mingkotla, “Ni ko in esa si kimuamé niitu.”

Lukas 23:14

Ang kuana wia ni séra, “Méipahwali nioué wia ni aku si Tou kenu wo pahkuan niou si Tou kenu é mahlululu sé tou lakez. Ilekené, witu u sinaru niou ém pahpenérongku ang kasumalaan-Na taan maan in esa én zéi'kan siapa u niilekku a méipahtoké niou wia ni Sia.

Lukas 23:5

Taan ni séra éng karimezna uman taré i menutu' karia i mahkua, “Pahenouen-Na sé tou wia un tana' Yudea karia an tutuzu'-Na, rengané witi tana' Galilea wo makaz wia'i.”

Yohanes 18:29

Pahpaano niitu si Pilatus nimondolé i mahilekan karia néra a mahkua, “Apa u méitoké niou wia si tou kenu?”

Yohanes 18:30

Kuan néra wia si Pilatus, “Sa Sia zéi'kan tou léwo', tantumo ni Sia én zéi'kan méipahwali naimé wia ni ko!”

Yohanes 19:12

Rengané in toro niitu, si Pilatus mahtututu' i milot ni Sia, taan sé tou Yahudi mahkérét, “Sa Sia ipilotmumé, ni ko én zéi'kan kakaria ni Kaisar. Séi uman si mapakua ing kolano é mahsaru si Kaisar.”

Kisah Rasul-rasul 24:13

Ni séra én zéi'kan makawawa i mapailek wia si tuang sa an ipahtoké néra wia ni aku én uli-ulit winangunku.

Kisah Rasul-rasul 24:5

Si tou kenu éng kinata'uan nai i siga' mahrikoka' tanumokan u saki melaput. Pahpaan péléng sé tou Yahudi wia ung kaayahan kenu ém pahrikoka'enna. Ni sia kangkasii én tonaas né tou sé mahkiit an tutuzu' ni tou Nazaret.

Roma 13:7

Pahwaérela wia péléng sé tou a léwo'zéi' im waérennu. Am pajak ém waérela wia sé menanagi am pajak wo waérela am walina an totoz im waérennu wia sé pemerénta. Pahongkotala sé tou wangun im pahongko-ongkotan wo pahsigi'ela sé tou wangun im pahsigi-sigi'en.