Lukas 23:13 - Taaz Weru Witu u Nunuwu'en Tombulu

¹³ A réwokené ni Pilatus sé tonaas né walian, sé tonaas wo sé tou lakez.

Lukas 23:13 Iomraidhean Croise

Markus 15:14

A si Pilatus meligau sumaup kasii wia ni séra, “Taan apa a léwo'an winangun-Na?” Taan ni séra éng karimezna uman taré i mahkérét, “Salipenola Sia!”

Lukas 23:35

Lakez sé tou rimendai witu nimilek péléng u mahmuali. Taan sé tonaas né tou Yahudi é mahséro' wia ni Sia, kuan néra, “Sé tou walina én tinulung-Na, iwayamola ni Siamokan si tumulungla un tou-Na in esa, sa Sia uli-ulit Mesias si pinéléng ni Opo Empung.”

Lukas 24:20

Taan sé tonaas né walian wo sé tonaas nai é nimayo ni Sia in ukumen im wunu'en wo simalipla ni Sia.

Yohanes 12:42

Zozo' in téntu, im wia sé tonaas né tou Yahudi é lakez kangkasii sé ma'éman wia si Yesus. Taan ni séra é soo kumua i ni séra é ma'éman wia ni Sia, pahpaan ni séra é maindé' wia sé sana réwok tou Farisi sé toro suméro' ni séra i muntep witu um Walé pahragésan né tou Yahudi.

Yohanes 18:38

Ang kuan ni Pilatus wia ni Sia, “Apa wé ung kaulitan itii?” I nimakakuamola niitu, si Pilatus nimondola i mahilekan karia né tou Yahudi a mahkua wia ni séra, “Zéi'kan siapa zozo' in esa ung kasumalaan kinailekangku wia ni Sia.

Yohanes 19:4

A mondol kasiima si Pilatus wo mahkua, “Ilekenola, ni Sia méiondolkumé wia ni kamu, wo toro kata'uan nioua i ni aku én zéi'kan nimilekla u sinala' zozo' in esa im wia ni Sia.”

Yohanes 3:1

Wéwéhan si esaané im wia sé sana réwok tou Farisi makangaran Nikodemus, ni sia én tonaas um pa'émanen né Yahudi.

Yohanes 7:26

Taan ilekena, zéi'kan siapa sé siméro'la ni Sia i mahnuwu' wia sé tou wo zéi'kan siapa u méipahkukua nérama wia ni Sia. Woo katu' uli-ulit kata'uano né tonaasta i ni Siamo si Kristus?

Yohanes 7:48

Wéwéhan wé si esaané im wia sé tonaas kaapa si esaané im wia sé sana réwok tou Farisi ma'éman ni Sia?

Kisah Rasul-rasul 13:27

Taan sé tou witi Yerusalem wo sé tonaas néra én zéi'kan mata'u si Yesus. Ni Sia én tinotoz nérala im wunu'en, karia in téntu a méikua né nabi am pahbacan sekez in endo Sabat é linekep néramola.

Kisah Rasul-rasul 3:17

Katuari-katuari, kata'uangku am winangun niou wo né tonaas niou i nimunu'mola si Yesus ém pahpaan um winangun niou itii én zéi'kan kata'uan niou.

Kisah Rasul-rasul 4:5

Masandomé, sé tonaas né tou Yahudi, sé pahtutu'an né tou Yahudi wo sé tou tulap un Torat é nimeruz witi Yerusalem.

Kisah Rasul-rasul 4:8

A si Petrus si kinawasa ni Roh Lenas mingkotla in téntii, “É kamu in tonaas wo pahtutu'an né tou Yahudi,