Lukas 23:11 - Taaz Weru Witu u Nunuwu'en Tombulu

¹¹ Lumousé niitu si Herodes wo sé surarona é mahséro' wo mahléléong wia ni Sia. Si Herodes éng kimaraila wia si Yesus ung karai tonton totoz wangun, a Sia iwurinama sumaup wia si Pilatus.

Lukas 23:11 Iomraidhean Croise

Matius 14:1

In toro niitu, si Herodes Antipas si kolano witi Galilea én timalingala a sirita tumoro si Yesus.

Matius 14:3

Si Herodes é mahgenangla in téntu, pahpaan im puuna si Yohanes é méipekitiona an iuntepna witu um bui. Winangunna téntu pahpaan si Yohanes é siméro'la si Herodes ing kumawéng si Herodias, si mahayo ni Filipus katuarina.

Matius 14:6

Taan im witu un endo i lumé'os un endo kinatouan ni Herodes, si raraha ni Herodias é mahmanari witu u sinaru ni Herodes wo né sakéina, a mangun si Herodes totoz mahpaa-paaz.

Markus 9:12

A si Yesus mingkotla, “Totoz ulit. Si Elia é mapuunamé i mémimek péléng am péléng. Taan kura un tumoro si Oki' ni Tou? Kaa un tumoro ni Sia é méipantik i lakez an zézéha wo mapahséro'an né tou?

Lukas 23:10

Karegas niitu sé tonaas né walian wo sé tou tulap un Torat mangé witi puuna karia i ma'ulit mahkua an totoké wia ni Sia.

Yohanes 19:5

A mondolé si Yesus, nimaké poporongen ni kolano um panga rintek menulah am wangunen, wo ung karai tonton monong. A si Pilatus kumuama wia ni séra, “Ilekenoma si tou itii!”

Yakobus 2:2

Pahpaan, sa wéwéhan si kimarai ung karai totoz wangun wo u sisim mas, wo wéwéhan kasii si tou zéi'kan siapa apa si kimarai ung karai zéi'kan wangun, a séra méyé witu um pahréwo-réwokan niou,

Yakobus 2:3

wo ni kamu simungkul si tou kimarai ung karai wangun karia i mahkua, “Tuang, rumumezé witu u rurumezan wangun kenu!”, taan im wia si tou zéi'kan siapa apa éng kuan niou, “Rumendaiola witi kenuma!” kaapa, “Rumumezomé witu um welah rété un a'éku!”