Lukas 22:70 - Taaz Weru Witu u Nunuwu'en Tombulu

⁷⁰ Tumalingamé niitu, a séra meligau, “Sa téntu, ni Komo wé si Oki' ni Opo Empung?” A si Yesus mingkotla, “Ni kamu in esa sé kimuala sa ni Akumo Sia.”

Lukas 22:70 Iomraidhean Croise

Matius 26:25

Si Yudas si gimenango i mayo si Yesus éng kimuama wia si Yesus, “Zéi'kan ni aku to, Méster?” A mingkotla si Yesus wia ni sia, “Ni ko in esa si kimuamé niitu!”

Matius 26:64

A si Yesus mingkotla, “Ni ko éng kimuamomé niitu, taan ikua-Kuma wia ni kamu, rengan in tarékan ni kamu é milek si Oki' ni Tou i rimumez witu ung kakan ni Totoz Mahkawasa wo méyé witu um wawo a ninahak witi langit.”

Matius 27:11

A si Yesus isaru nérala wia si gubernur Pilatus. Si gubernur itii é meligau wia ni Sia, “Ni Ko si Kolano né tou Yahudi?” A si Yesus mingkotla, “Ni ko in esa si kimuamé niitu.”

Matius 27:43

Un tou-Na méiéré'-Na wia si Opo Empung wo mahkua i ni Sia én Oki' ni Opo Empung. In tarékan, ilekentamokan sa si Opo Empung sumawang ni Sia.”

Matius 27:54

Si tonaas né sana atus suraro karia né surarona sé mahtéiz wia si Yesus én totoz maindé' i nimendané un éhzo' wo nimilek péléng a nimamuali, ang kuan néra, “Totoz ulit, si tou kenu én Oki' ni Opo Empung!”

Matius 3:17

An talingané u Nuwu' witi kasendukan ung kimuamé, “Si kenumo si Oki'-Ku si ikararaaté-Ku. Ni Siamo si mahwangun un até-Ku mahpaa-paaz.”

Matius 4:3

A méyé si tonaas né sétang ang kumuama wia ni Sia, “Sa Ko Oki' ni Opo Empung, peréntanoma am watu kenu i mamualima roti.”

Markus 14:62

A si Yesus mingkotla, “Ni Akumo Sia, wo ni kamu é milek si Oki' ni Tou i rimumez witu ung kakan ni Totoz Mahkawasa wo méyé witu um wawo a ninahak witi langit.”

Markus 15:2

Ikaayola wia si Pilatus, a si Pilatus meligau wia ni Sia, “Ni Ko si Kolano né tou Yahudi?” A si Yesus mingkotla, “Ni ko in esa si kimuamé niitu.”

Lukas 22:71

Ang kuan néra, “Apapé' un torona i menéro tou ing kumua a niilek wo tinalinga tumoro ni Sia? Ni kita én timalingamo u sumah-Na in esa ung kimuamé.”

Lukas 23:3

A si Pilatus meligau wia ni Sia, “Ni Ko si Kolano né tou Yahudi?” A si Yesus mingkotla, “Ni ko in esa si kimuamé niitu.”

Lukas 4:41

Wo iwoho-Na kasiima sé sétang im wia sé tou lakez a séra mondolé karia i mengéré-ngérét, “Ni Komo si Oki' ni Opo Empung.” Taan si Yesus é rimekaka ni séra, wo zéi'kan iwéhé-Na séra i mahnuwu', pahpaan kata'uan néra i ni Siamo si Mesias.

Yohanes 1:34

Ni aku é nimileko ni Sia wo kumuama u niilekku, ‘Ni Siamo si Oki' ni Opo Empung.’ ”

Yohanes 1:49

Ang kuan ni Natanael wia si Yesus, “Méster, si Méster én Oki' ni Opo Empung. Si Méster éng Kolano né tou Israel.”

Yohanes 10:30

Ni Aku wo si Ama'-Ku én esa.”

Yohanes 10:36

kaa ni kamu mahkua ni Aku mahséro' wia si Opo Empung pahpaan mahkua ni Aku én Oki' ni Opo Empung? Ni Aku ém pinéléng ni Ama' wo nimatumé ni Aku i méyé wia ung kaayahan.

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Yohanes 19:7

Am wingkotela né tou Yahudi itii wia ni sia, “Ni kai ém wéwéhan un ukum Torat wo mengiit an ukum itii ni Sia é léwo'zéi' ukumen i maté. Pahpaan ni Sia éng kimuamola i ni Sia én Oki' ni Opo Empung.”