Lukas 22:61 - Taaz Weru Witu u Nunuwu'en Tombulu

⁶¹ A si Yesus luméngéma wia si Petrus. Ang kagenangala ni Petrus u méikua ni Yesus wia ni sia, “Puunala si laka' ing kumukuk in endo kenu, nimakatelumo ni ko ing kimélong ni Aku.”

Lukas 22:61 Iomraidhean Croise

Matius 26:34

Ang kuan ni Yesus wia ni sia, “Uli-ulit ikua-Kuma wia ni ko, im wengi kenu, puunala si laka' ing kumukuké, ni ko é nimakatelumola ing kimélong ni Aku.”

Matius 26:75

Ang kagenangala ni Petrus u méikua ni Yesus wia ni sia, “Puunala si laka' ing kumukuké, ni ko é nimakatelumola ing kimélong ni Aku.” A sia mondola a mamamé' karia in totoz rumara un até.

Markus 5:30

In toro niitukan kata'uala ni Yesus im wéwéhan ung kawasa u nimondola im wia ni Sia. Niitumo si Yesus liméngéma muri wia sé tou lakez itii a meligau, “Séi si simahizé witu ung karai tonton-Ku?”

Lukas 10:41

Taan ni sia ém winingkot umanla ni Yesus, “Marta, Marta, ni ko én tahlous maarét wo tahlous mahsususa un toumu in esa wana péléng am péléng,

Lukas 22:34

Taan kuan ni Yesus, “Ikua-Kuma wia ni ko Petrus, puunala si laka' kumukuké in endo kenu, ni ko é makatelumo kimélong ni Aku.”

Lukas 22:60

Taan si Petrus nimingkoté, kuana, “Ama', zéi'kan kata'uangku ung kalakoan un ipahkuamumé.” In toro niitukan, karegas ni sia i mahnuwu' ang kumukuké si laka'.

Lukas 22:62

A si Petrus mondolé im witu a mamamé' karia in totoz rumara un até.

Lukas 7:13

I si Yesus nimileka si wéwéné itii, mawiamé u raraatéan-Na. Ang kuan-Na, “Ina', tia'mo mahamé'!”

Lukas 7:19

an tawahennala sé zua im wia sé pahtuzu'enna, an iatunama séra zua mangé wia si Yesus i malumigau téntii, “Ama', apa ni Komo si méitaaz ni Opo Empung i méyé, kaapa wéwéhan tou walina si totoz in ento'en nai?”

Yohanes 13:38

A si Yesus mingkotla, “Apa ulit ni ko é mayo ung katou-touannu pahpaan ni Aku? Uli-ulit ikua-Kuma wia ni ko, puunala si laka' ing kumukuké, ni ko é makatelumo ing kimélong ni Aku.”

Kisah Rasul-rasul 5:31

Ni Sia si méirakék ni Opo Empung karia ung kawasa-Na é nimaéndo Memumuka lalan wo Memimilot sé tou im witu un ukuman wana a singkéla', wo sé tou Israel toro tumula'u a singkéla' néra wo makailek un ampungan.

Efesus 2:11

Niitumo gena-genangen, rengan ni kamu nimatoumé ni kamu én zéi'kan tou Yahudi. Ni kamu ém pahkuan in tou zéi'kan sinunat né tou Yahudi, sé tou sinunat itii u makaizangen néra ém wéwéhan um walulangna i sinunat um winangun né kasuat tou.

Wahyu 2:5

Niitumo gena-genangen, ni kamu én totozo zou' im witu u raraaté niou im puuna. Kumana'mola i memangu-mangun an téntu wo mahwangunola tanu am pahwangunen niou im puuna. Sa kamu zéi'kan tumula'u a singkéla' niou, ni Aku é méyé wia ni kamu i mémukum ni kamu, un tanumokan ni Aku i méméndo am penono'tolan niou a solo.