Lukas 22:52 - Taaz Weru Witu u Nunuwu'en Tombulu

⁵² Ang kuan ni Yesus wia sé tonaas né walian wo sé tonaas né mahtéiz witu um Walé ni Opo Empung karia né pahtutu'an né tou Yahudi sé niméyé in tumion ni Sia, “Pahgenangen nioula ni Aku én tou léwo' takaz-takazan ni kamu i niméyé é nimengalimé am pisou karia am wéwélwél?

Lukas 22:52 Iomraidhean Croise

Matius 26:47

I si Yesus karegaspé' mahnuwu', méyé si Yudas si esaané im wia sé mapulu' wo zua pahtuzu'en-Na, nimahwalimé karia né sana réwok tou lakez sé mahali-ali am pisou wo am wéwélwél. Ni séra é méiatumé né tonaas né walian wo né pahtutu'an né tou Yahudi.

Matius 26:55

A si Yesus kumuala wia sé tou lakez itii, “Pahgenangen nioula ni Aku én tou léwo' taka-takazan ni kamu nimahalimé am pisou wo am wéwélwél i métumion ni Aku? Sekez in endo ni Aku é rimumez wo mahtuzu' witi lésaz um Walé ni Opo Empung, taan ni Aku zéi'kan pahtitionan niou.

Lukas 22:37

Ikua-Kuma wia ni kamu, u mémoipantik witu um Pinantik Lenas tumoro ni Aku én totoz malekepen: Ni Sia é mairékén karia né tou léwo'. Pahpaan a mémoipantik tumoro ni Aku é mahmualimo.”

Lukas 22:4

Si Yudas mangé wia sé tonaas né walian wo wia sé tonaas né mahtéiz um Walé ni Opo Empung i sumirita karia néra, kura wo toro iayona si Yesus wia ni séra.

Lukas 22:51

Taan si Yesus kimua umanla, “Ikana'la!” An tionan-Nama u lunteng ni tou itii a lé'osennama.

Lukas 22:53

Sekez in endo ni Aku é mahkaria-karia ni kamu witi lésaz um Walé ni Opo Empung, taan ni Aku zéi'kan pahtitionan niou. Taan in tarékano un oras niou in tumion ni Aku wo un orasna si tonaas né sétang si mahkawasa wana ang karimbengbengan ing kumawasa.”

Yohanes 17:12

I ni Aku mengari-ngaria ni séra, ni Aku én timéizo ni séra karia u ngaran ni Ama' u méiwéhé wia ni Aku. Ni Aku én timéizo ni séra wo zéi'kan siapa im wia ni séra si ikalulu, akaz uman ni sia si tinotozo in ikalulu, wo malekep u méipantik witu um Pinantik Lenas.

Kisah Rasul-rasul 5:26

Kaitalingamé niitu, a mangé si tonaas né menénéiz um Walé ni Opo Empung karia né touna, i mangémé sé aatu ni Yesus witi lésaz um Walé ni Opo Empung. Taan ni séra i nimangémé éng karia i lé'o-lé'os uman pahpaan maindé' én taa séra weritené né tou lakez karia am watu.