Lukas 22:40 - Taaz Weru Witu u Nunuwu'en Tombulu

⁴⁰ I méikaayomola witi tampa itii, ang kuan-Na wia ni séra, “Mengaléiola wo ni kamu zéi'kan ikakiit witu um pema'wa'en.”

Lukas 22:40 Iomraidhean Croise

Matius 6:13

wo tia'mo ipahwali ni kai witu um pema'waan, taan ipiloté ni kai im wia si léwo'. [Pahpaan ni Komo si makaanu ung Kakolanoan, wo ung kawasa, wo ung kawangko'an makaz ing kauré-uré. Amin.]

Lukas 11:4

Ampungané ni kai im wana a singkéla' nai, pahpaan ni kai kangkasii é niméhémola un ampungan wia sé tou simala'la wia ni kai. Wo tia'mo ni kai ipahwali witu um pema'waan.”

Lukas 22:46

Ang kuan-Na wia ni séra, “Kaa ni kamu timekel uman? Tumoozomé wo mengaléiola, wo kamu zéi'kan ikakiit witu um pema'wa'en.”

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.