Lukas 22:37 - Taaz Weru Witu u Nunuwu'en Tombulu

³⁷ Ikua-Kuma wia ni kamu, u mémoipantik witu um Pinantik Lenas tumoro ni Aku én totoz malekepen: Ni Sia é mairékén karia né tou léwo'. Pahpaan a mémoipantik tumoro ni Aku é mahmualimo.”

Lukas 22:37 Iomraidhean Croise

Markus 15:27

Ni séra kasii é simalipla karia-Na sé zua maremu', si esa ém witu ung kakan-Na wo si esa witu ung kawihi-Na. [

Markus 15:28

Karia in téntu, nimalekepola u méipantik witu um Pinantik Lenas, “Ni Sia é maikarékén wia sé tou léwo'.”]

Lukas 18:31

Si Yesus tumawahmé sé mapulu' wo zua sé pahtuzu'en-Na, ang kumua wia ni séra, “In tarékan ni kita é sumosozo witi Yerusalem. Im wana, péléng a méipantiko né nabi tumoro si Oki' ni Tou é mamualimo.

Lukas 22:22

Pahpaan si Oki' ni Tou é léwo'zéi' i maté tanu un tinotozo ni Opo Empung, taan ikaléwo'la si tou mayo ni Sia!”

Lukas 22:36

A séra mingkoté, “Zéi'kan, zozo' in esa én zéi'kan siapa am pemandungen nai an zéi'kan nimalekep.” Ang kuan-Na wia ni séra, “Taan in tarékan, séi si wéwéhan um penanahu'an an zoit kaapa un tas, tawimo niana pahalina. Wo séi si zéi'kan makapisou tawimo iwangkérla ung karai tontonna in telesan pisou.

Lukas 22:52

Ang kuan ni Yesus wia sé tonaas né walian wo sé tonaas né mahtéiz witu um Walé ni Opo Empung karia né pahtutu'an né tou Yahudi sé niméyé in tumion ni Sia, “Pahgenangen nioula ni Aku én tou léwo' takaz-takazan ni kamu i niméyé é nimengalimé am pisou karia am wéwélwél?

Lukas 23:32

Wéwéhan kasii sé zua tou walina, sé tou léwo' méipahwali i maukumen wunu'en karia-Na.

Lukas 24:27

A si Yesus mapata'uma wia ni séra a mémoipantik witu péléng um Pinantik Lenas tumoro ni Sia, rengané witu ung kitap pinantik ni Musa makaz wana ang kitap pinantik né nabi.

Yohanes 10:35

Kata'uantamo im péléng a méipantik witu um Pinantik Lenas én zéi'kan mata'u zéi'en makaz ing kauré-uré. Niitumo, sa si Opo Empung kimua ‘empung’ wia sé tou nimakailek u nuwu'-Na,

Yohanes 17:4

Ni Aku é nimapaileko ung kawangko'an ni Ama' im wia sé tou wia ung kaayahan kenu karia i simampeta um paayangen u méiwéhé-Mu wia ni Aku im paayangeng-Ku.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Galatia 3:13

Pahpaan ni kita én zéi'kan makawawa i mahkiit péléng un ukum Torat, niitumo ni kita é makailek un epa' ni Opo Empung. Taan si Kristus timubuso ni kita im witu un epa' itii, karia i nimayo un tou-Na sinalip i sumawel ni kita. Pahpaan witu um Pinantik Lenas méipantik téntii, “Si tou niukum sinalip é makailek un epa' ni Opo Empung!”