Lukas 22:26 - Taaz Weru Witu u Nunuwu'en Tombulu

²⁶ Taan ni kamu én zéi'kan toro mahwangun un tanu niitu. Séi si totoz wangko' im wia ni kamu é maéndomola tanu si totoz kori' wo si tonaas é maéndomola tanu si menenelewir.

Lukas 22:26 Iomraidhean Croise

Matius 20:26

Taan ni kamu én zéi'kan tanu ni séra! Séi si paaz i maéndo tou pahsigi'en im wia ni kamu, ni sia é léwo'zéi' i maéndo menenelewir im wia ni kamu.

Markus 10:43

Taan ni kamu én zéi'kan tanu ni séra! Séi si paaz i maéndo tou pahsigi'en im wia ni kamu, ni sia é léwo'zéi' i maéndo menenelewir im wia ni kamu.

Markus 9:35

A si Yesus rumumezla an tumawahmé sé mapulu' wo zua pahtuzu'en-Na. Kuan-Na wia ni séra, “Sa si tou paaz maéndo kataré-taré, ni sia é léwo'zéi' i maéndo totoz kamurian im wana am péléng wo maéndo mahsawa-sawang péléng né tou.”

Lukas 9:48

ang kuan-Na wia sé pahtuzu'en-Na, “Séi uman si simungkul si koki' tanu si kenu pahpaan ma'éman wia ni Aku, ni sia é simungkul ni Aku. Wo séi uman si simungkul ni Aku, ni sia é simungkul si Opo Empung si nimatumé ni Aku. Séi si zéi'kan ipahréké-rékén im wia ni kamu, ni siamo si totoz ipahpuu-puuna.”

Roma 12:2

Ni kamu én tia'mo mahkii-kiit am pahwangunen né tou wia ung kaayahan, taan iwayamola ung genang lé'os niou im werun ni Opo Empung. Karia in téntu ni kamu én toro makatulap ung kapaaz ni Opo Empung: Am wangun, a mahwangun ni Sia mahpaa-paaz wo zéi'kan siapa pahséro'an.

1 Petrus 5:3

Tia' wo ni kamu mahpeperénta uman wia sé tou ma'éman sé méitarawésama ni Opo Empung wia ni kamu, taan ni kamu é maéndola kékéréan wangun wia ni séra.

1 Petrus 5:5

Téntu kangkasii ni kamu im weru tou é léwo'zéi' i mahtali-talingala wia sé tu'a. Wo ni kamu péléng, irorosla un tou niou si esa wo si esa, pahpaan im witu um Pinantik Lenas é méipantik in téntii, “Si Opo Empung é makahkoro' wo sé tou wera', taan sé tou roros até én tambéran-Na ung kamang.”