Lukas 22:2 - Taaz Weru Witu u Nunuwu'en Tombulu

² Sé tonaas né walian karia né tou tulap un Torat é menéro-néro lalan kura wo séra toro munu' si Yesus karia i mahwuni-wuni, pahpaan ni séra é maindé' wia sé tou lakez.

Lukas 22:2 Iomraidhean Croise

Matius 12:14

A mondola sé sana réwok tou Farisi itii a mahesaala i munu' ni Sia.

Matius 21:38

Taan i si oki' ni makauma niileka né mememendu itii, a séra mahkua si esa im wia sé walina, ‘Si kenumo si maéndo makaanu un uma kenu, wunu'entamo sia, wo un uma kenu é maéndo anuta.’

Matius 26:2

“Kata'uan niouo, zuana endomokan é lumé'oso un endo mahpésta pahkuan Paskah, wo si Oki' ni Tou é maiayo i salipen.”

Markus 14:1

Zuana endomokan sé tou Yahudi é lumé'oso un endo mahpésta pahkuan Paskah wo i lumé'os un endo Roti Zéi'kan Rinagian. In toro niitu, sé tonaas né walian wo sé tou tulap un Torat é menéro-néro lalan in tumion si Yesus wo munu' ni Sia karia i mahwuni-wuni.

Lukas 20:19

Timalingamé niitu, sé tou tulap un Torat wo sé tonaas né walian é mahtututu' i mahtition ni Sia in toro niitukan, pahpaan kata'uan néramo sa sé paza'i-Nala witu un aandéan itii é ni séra, taan ni séra é maindé' wia sé tou lakez.

Yohanes 11:57

Karegas niitu sé tonaas né walian wo sé sana réwok tou Farisi é nimeréntamoma sa wéwéhan si tou mata'u wisa Sia én ikuamé, wo Sia toro tionan néra.

Kisah Rasul-rasul 4:27

Pahpaan un ulitna wia um wanua tua'na kenu é nimaréwoko si Herodes, si Pontius Pilatus, wo sé tahsasana wanua karia né suzu né Israel i sumaru si Yesus, si Ata-Mu Lenas, si Pinéléng-Mu.