Lukas 22:16 - Taaz Weru Witu u Nunuwu'en Tombulu

¹⁶ Pahpaan ikua-Kuma wia ni kamu: ni Aku én zéi'mo makuman mahwali-wali karia niou makaz ung kalakoan um Paskah itii malekep im witi Kakolanoan ni Opo Empung.”

Lukas 22:16 Iomraidhean Croise

Lukas 12:37

Mahpaa-paazla sé ata sé timégam i méileken ni tuang néra. Uli-ulit ikua-Kuma wia ni kamu, si tuang néra itii é mimek un touna, tawahennamé sé ata ing kuman wo ni sia si masumelewir sé atana.

Lukas 14:15

Kaitalingamé u méikuamé ni Yesus, si esaané wia sé tou mahkan witu kumuama wia si Yesus, “Totoz mahpaa-paaz si tou makuman karia ni Opo Empung witi Kakolanoan-Na.”

Lukas 22:15

Ang kuan-Na wia ni séra, “Ni Aku én totoz paaz ing kuman mahwali-wali karia niou in endo Paskah kenu, puunala ni Aku i mazézéha.

Lukas 22:18

Pahpaan ikua-Kuma wia ni kamu: Rengana in tarékan, ni Aku én zéi'mo mahele-elepla un anggor makaz ung Kakolanoan ni Opo Empung i méyé.”

Lukas 22:30

Karia in téntu ni kamu én toro mahkan wo mahelep mahwali-wali karia-Ku witi Kakolanoang-Ku. Ni kamu kasii é marumumez witu u rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel.”

Yohanes 6:27

Ni kamu én tia'mo mahpaayang i menéro an tikohon rewek maapu wo toro uman mawuul, taan maayangla i menéro an tikohon zéi'kan mawuul, a mahwéhémé ung katou-touan makaz ing kauré-uré un iwéhé ni Oki' ni Tou wia ni kamu. Pahpaan ni Siamo si winéhan kawasa ni Opo Empung, si Ama'.”

Kisah Rasul-rasul 10:41

Taan zéi'kan péléng sé tou Yahudi toro nimilek ni Sia. Akaz uman sé pinéléngo ni Opo Empung rengan ing kataré-taré sé toro nimilek wo makumua am pina'ilek néra. Ni kaimo sé tou itii sé kimano wo nimelepo karia-Na, kumawusa Sia i méitoumé sumaup ni Opo Empung im wia sé nimaté.

Wahyu 19:9

A si malaekat itii kumuamé wia ni aku, “Ipantikola in téntii, ‘Mahpaa-paazola sé tou kinua i méyé witu um pésta kawéng ni Anak ni Domba.’ ” Ang kuana kasii wia ni aku, “A méikuaku kenu én ulit, ang kenu é Nuwu' wia si Opo Empung a méyé.”