Lukas 22:13 - Taaz Weru Witu u Nunuwu'en Tombulu

¹³ A si Petrus wo si Yohanes mangé. Maileken néra én tanu u méikuama ni Yesus wia ni séra. A séra mimekla i lumé'os um Paskah.

Lukas 22:13 Iomraidhean Croise

Lukas 19:32

A mangé sé méiatuma itii, maileken néra én tanu a méikua ni Yesus.

Lukas 21:33

U langit wo ung kaayahan é mazéi', taan u Nuwu'-Ku én zéi'kan mahzéi-zéi'la.”

Lukas 22:12

Si makawalé itii én tumuzu' wia ni kamu um porés selah witu un atas um walé wo am pemandungen é sana witumo, witu u léwo'zéi' in imekan nioula.”

Lukas 22:14

I méikaayomola witu un orasna, si Yesus rimumez ing kuman mahwali-wali karia né aatu-Na.

Yohanes 11:40

Ang kuan ni Yesus, “Zéi'kankuaa mémoikua-Kula wia ni ko: sa ko ma'éman ni ko é milek ung kawangko'an ung kawasa ni Opo Empung?”

Yohanes 2:5

Taan si ina' ni Yesus éng kimuama wia sé menenelewir, “Wangunela apa un ikua-Namé wia ni kamu.”

Ibrani 11:8

Pahpaan i ma'éman, si Abraham é mahtali-talinga un ipahkua ni Opo Empung wia ni sia. I ni sia tinawah i mangé witi tampa u maéndo anuna, ni sia nimangé zozo' in zéi'kampé' kata'uanna wisa un angéanna itii.