Lukas 21:8 - Taaz Weru Witu u Nunuwu'en Tombulu

⁸ Am wingkotela ni Yesus, “Tuméga-tégam én taa kamu ilulu. Pahpaan lakez sé tou é méyé wo maké u ngaran-Ku wo kumua in téntii, ‘Ni akumo si Mesias’ wo ‘Un orasna é lelezo’. Ni kamu én tia' mahkii-kiit ni séra.

Lukas 21:8 Iomraidhean Croise

Matius 24:11

Lakez sé nabi towo sé méyé wo lumulu sé tou lakez.

Matius 3:2

“Itula'umola a singkéla' niou, pahpaan ung Kakolanoan ni Opo Empung é lelezokan!”

Matius 4:17

Rengané in toro niitu si Yesus é mahwoka', “Itula'umola a singkéla' niou, pahpaan ung Kakolanoan ni Opo Empung é lelezokan!”

Lukas 17:23

Sé tou éng kumua wia ni kamu: Ilekena, witi kenuma Sia; ilekené, wia'i Sia! Ni kamu tia'mo mangé witu wo tia'mo mahkiit ni séra.

Lukas 21:7

A séra meligau wia si Yesus, “Méster, sawisa niitu mamuali? Apa un tumuzu'mé sa niitu mamuali?”

Lukas 21:9

Sa kamu tumalingamé sé mahkoro' wo sé mahsaru sé tonaas, ni kamu én tia'mo maindé'. Pahpaan péléng niana é léwo'zéi' i mamuali puunala, taan zéi'kan niitu un tumuzu'mé i rétémo un orasna ung kaakazan ung kaayahan.”

Yohanes 5:43

Ni Aku niméyé éng karia u ngaran ni Ama'-Ku taan ni kamu é soo sumungkul ni Aku. Taan sa sé tou walina méyé karia ung kawasana in esa, ni kamu ém paaz sumungkul ni sia.

Yohanes 8:24

Pahpaano niitu ing kataré ni Aku éng kimuama wia ni kamu i ni kamu é maté karia a singkéla' niou. Pahpaan sa ni kamu zéi'kan ma'éman i ni Akumo ni Sia si méipahkua-Kumola, ni kamu é maté karia a singkéla' niou.”

Yohanes 8:28

A si Yesus kumuama wia ni séra, “I ni kamu timoozola si Oki' ni Tou, taré kamu mata'u i ni Akumo Sia si méipahkua-Kula. Wo ni kamu é mata'u im péléng am pahwanguneng-Ku én zéi'kan pahwanguneng-Ku mengiit um paaz-Ku in esa. Taan ni Aku mémahkua umana a méituzu' ni Ama'-Ku wia ni Aku.

1 Korintus 6:9

Kaapa zéi'kan kata'uan niou wé, i sé tou zéi'kan ulit én zéi'kan iwéhé ni Opo Empung i maéndo tou witi Kakolanoan-Na? Tia' kamu ikalulu! Sé tou: memua-muali a sinéro' im pahmualin né zéi'kampé' kimawéng, mahsigi' sé opo-opo, samek, sé tuama mahsamek karia né katuama néra, sé mahwangun a makaizangen wia sé kasuat néra,

Efesus 5:6

Tia' kamu towoan né tou karia a nunuwu'en zéi'kan siapa torona, pahpaan an téntu é mangun uman si Opo Empung in totoz maupi' wia sé tou zéi'kan mahtali-talinga ni Sia.

2 Tesalonika 2:3

Zozo' ing kura, tia' kamu towoan umanla né tou! Pahpaan puunala un endo i si Yesus méyé sumaup, ang kenu a léwo'zéi' i mamualipé'la: Lakez sé tou tumamburi im wia si Opo Empung wo si tou totoz léwo' é mapailek un touna wo ni sia én tinotozo i léwo'en.

2 Timutius 3:13

taan sé tou léwo' wo tantowo kahuman éng kalousna i mahwangun a léwo'an, ni séra mahlulu sé tou wo ilulu né tou walina.

1 Yohanes 4:1

Katuari-katuari ikararaatéku, péléng sé roh én tia' pa'émanen niou, taan pahtata'ula lumé'o-lé'os sé roh itii, sa sé roh itii ém wia si Opo Empung a méyé kaapa zéi'kan. Pahpaan lakez sé nabi towo sé nimapaileko un tou néra wo mahliklik ung kaayahan.

2 Yohanes 1:7

Pahpaan im wia ung kaayahan é lakez sé tou mahlululu uman wo soo makaulit i si Yesus Kristus é niméyémo wia ung kaayahan in tou uman. Sé tou itiimo sé melulu, wo kakoro' ni Kristus.

Wahyu 1:3

Mahpaa-paazola sia si nimacama wo séra sé timalingama a méipantik tumoro a mamuali wo mahkiit a méipantik witu. Pahpaan péléng niana én zéi'mo uré i mamuali.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.