Lukas 21:36 - Taaz Weru Witu u Nunuwu'en Tombulu

³⁶ Niitumo ni kamu én tuméga-tégamla karia i mengaléi, wo kamu makailek ung kaenté'an wo makawawa i mahsaru a mamuali itii wo ezen i rimendai witu u sinaru ni Oki' ni Tou.”

Lukas 21:36 Iomraidhean Croise

Matius 24:42

Niitumo, tuméga-tégam, pahpaan zéi'kan kata'uan niou sawisa si Mahpiara niou i mawurimé sumaup.

Matius 24:43

Taan gena-genangen ang kenu: sa kata'uano ni makawalé um wengi si maremu' i mérumemu', tantumo ni sia én timégamo makaz um waléna zéi'kan untepen ni maremu'.

Matius 24:44

Niitumo, ni kamu kangkasii én tuméga-tégam, pahpaan si Oki' ni Tou é méyé witu un oras zéi'kan kata'uan niou.”

Matius 25:13

Ang kuan ni Yesus, “Niitumo, tuméga-tégam, pahpaan zéi'kan kata'uan niou sa sawisa un endo wo un oras niitu i mamuali.”

Matius 26:41

Tuméga-tégam wo mengaléila wo kamu zéi'kan ikakiit witu um pema'wa'en. Ulit i si roh ém paaz i mangun a lé'os, taan in tou uman, ni kamu én zéi'kan makawawa.”

Matius 8:20

Ang kuan ni Yesus wia ni sia, “Sé longkoi ém wéwéhan an tuleng néra, sé tumétéwél ém wéwéhan a salah néra. Taan si Oki' ni Tou én zéi'kan siapa un toro rewaan-Na.”

Markus 13:33

Niitumo ni kamu é léwo'zéi' i mile-ilek wo tuméga-tégam! Pahpaan zéi'kan kata'uan niou sawisa un orasna i mamuali.

Markus 13:37

Apa u méikua-Ku wia ni kamu, ikua-Ku kangkasiima wia péléng sé tou, ‘Tuméga-tégamola!’ ”

Lukas 1:19

Ang kuan ni malaekat, “Ni aku kenu éng Gabriel, si sekezé ém witu u sinaru ni Opo Empung. Ni aku é méiatumé i mékumua u nuwu' lé'os kenu wia ni ko.

Lukas 18:1

A si Yesus kumua un aandéan in tumuzu' sé pahtuzu'en-Na, wo ni séra léwo'zéi' sekezé é mengaléi wo tia' maseso'.

Lukas 20:35

taan sé tou wangun in itou sumaup ni Opo Empung im wia sé nimaté wo sé mamenou-nou in oras in tumondong, ni séra én zéi'kan mahkawéng wo pahkawéng.

Lukas 21:35

Pahpaan un endo itii i méyé én tanu um wetes wia péléng sé tou wia ung kaayahan.

Kisah Rasul-rasul 10:2

Ni sia é mahtali-talinga wia si Opo Empung. Ni sia wo sé sana awuna é maindé' si Opo Empung. Lakez a sasawang ipahwéhéna wia sé tou Yahudi, wo kangkasii sekezé é mahmengaléi wia si Opo Empung.

1 Korintus 16:13

Tuméga-tégam! Totoz menté-enté' witu um pa'émanen niou, enté'-enté'en un tou niou wo tia'mo maindé-indé'!

2 Korintus 4:14

Pahpaan kata'uan nai, si Opo Empung si timoumé sumaup si Yesus Mahpiara, ni Sia kangkasii si tumou sumaup ni kai karia ni Yesus. Ni kai karia niou é réwoken mahwali-wali witu u sinaru ni Opo Empung.

Kolose 4:2

Tia' mazéi' i mengaléi wia si Opo Empung wo tuméga-tégamla karia i mahkua u makasé wia si Opo Empung.

1 Tesalonika 5:17

Tia' mazéi' i mahmengaléi.

2 Timutius 4:5

Zozo' in téntu, ni ko é léwo'zéi' i mahime-imek un toumu wo ezen im wana an zézéha, ipahwoka'la u Nuwu' Lé'os, wo paayangela a léwo'zéi' im paayangennu wia si Opo Empung.

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

1 Petrus 5:8

Ni kamu é léwo'zéi' i mile-ilek wo tuméga-tégam! Pahpaan si tonaas né sétang si kakoro' niou itii é melili-liklik menéro tou ing kalan, masuat wo si singa melili-liklik i menéro tou in tongko'en.

1 Yohanes 2:28

Niitumo in tarékan, é kamu sé oki'ku, ni kamu é léwo'zéi' i menou-nou nimaesa karia ni Kristus, wo sa Sia méyémo sumaup im witu un endo itii, ni kita én zéi'kan maindé' wo zéi'kan maizang wia ni Sia.

Yudas 1:24

Wia ni Sia si mahkawasa si mahtéiz wia ni kamu én taa kamu ikasundui, wo si nimahwali ni kamu sé zéi'kan siapa um pahséro'an karia i mahpaa-paaz i marumendai sumaru witu un tampa-Na um pahloozen wo pahsigi'en.

Wahyu 11:4

Sé tou zua itii én tanu ung kai zaitun zua, wo un zua pezezetaan solo a méipenoo-nooz witu u sinaru ni Opo Empung si mahkawasa wia péléng ung kaayahan.

Wahyu 6:17

Pahpaan méikaayomola witu un endo ni Opo Empung wo ni Anak ni Domba i mapailek un upi' néra wo zéi'kan siapa si makaezen i mengali niitu.

Wahyu 7:9

Kumawusa niitu, ilekengkuma sé sana réwok tou totoz lakez sé zéi'mo karékénan. Ni séra ém wia péléng sé tahsasana wanua, tahsasana suzu, tahsasana réwok mahtuari, wo sé tahsasana nunuwu'en. Ni séra péléng é rimendai witu sinaru u rurumezan ni Kolano wo witu sinaru ni Anak ni Domba, kimarai ang karai tonton kulo', timion am pala'pa'na am palem.

Wahyu 8:2

An ilekengkuma sé pitu malaekat rimendai witu u sinaru ni Opo Empung. Ni séra ém winéhan tata'saan um pontuang.