Lukas 21:30 - Taaz Weru Witu u Nunuwu'en Tombulu

³⁰ Sa ileken nioula ang kai itii mahsuzumomé, kata'uan nioula in zéi'mo uré é maraazeno.

Lukas 21:30 Iomraidhean Croise

Matius 24:32

Ang kuan ni Yesus wia sé pahtuzu'en-Na, “Mahtata'ula witu ung kalakoan un aandéan tumoro ung kai ara. Sa am pangana rintek é mahmata'moma wo mahsuzumomé, kata'uan niou sa un oras i raazen é lelezo.

Lukas 12:57

Ang kuan ni Yesus, “Kaa kamu zéi'kan makatotoz wisa un ulit?

Lukas 21:29

A si Yesus kumua un aandéan wia ni séra, kuan-Na, “Ileken nioula lumé'o-lé'os ung kai ara kaapa ang kai walina.

2 Korintus 13:5

Amoké wa'wa'en nioula un tou niou, wo kata'uan nioula sa ni kamu én uli-ulit ma'éman wia si Kristus kaapa zéi'kan. Pahtata'ula un até niou, ni kamu én uli-ulit mata'u i si Kristus Yesus ém witu un até niou kaapa zéi'kan! Pahpaan sa kamu zéi'kan uli-ulit mahkiit si Kristus, um pa'émanen niou én zéi'kan malekep im pema'wa'en.