Lukas 21:28 - Taaz Weru Witu u Nunuwu'en Tombulu

²⁸ Sa niitu mahmualimo, rumendaiola wo tia'mo mahtuktuk pahpaan zéi'mo uré ni ko én ipiloto im wana an zézéha itii.”

Lukas 21:28 Iomraidhean Croise

Lukas 13:11

Im witu ém wéwéhan si wéwéné saki. Ni sia i saki é mapulu' wo waluna ta'uno pahpaan ni sia é sinelazan ni roh léwo' makaz ni sia é nimawohko zéi'mo toro rumendai makaterén.

Lukas 18:7

Si Opo Empung é sumawang um pahéndo-éndoan né tou-Na sé endo wo wengi én zéi'kan kumana' i mahtawah ni Sia. Wo ni Sia én zéi'kan mahuré-uré i sumawang ni séra.

Lukas 21:29

A si Yesus kumua un aandéan wia ni séra, kuan-Na, “Ileken nioula lumé'o-lé'os ung kai ara kaapa ang kai walina.

Roma 8:19

Pahpaan péléng sé wia ung kaayahan én totoz melelo i ma'ento' un oras i si Opo Empung mapata'u sé maéndo oki'-Na.

Roma 8:23

Zéi'kan uman ni séra, ni kita kangkasii é nimakaileko si Roh Lenas si kataré-taré méiwéhé ni Opo Empung im wana ang kamang mahtondongé. Ni kita kangkasii é mahpa'os witu un atéta karegas i ma'ento' in éndon oki' ni Opo Empung u mangun un awakta uli-ulit méikapilot.

Efesus 1:14

Si Roh Lenas itiimo si nimenté', i ni kita é makailek u mémoitaaz ni Opo Empung wia sé tou-Na. Si Roh Lenas itiimo si nimangun ni kita ma'éman i si Opo Empung é milot sé tou-Na im witu un ukuman wana a singkéla' i lumooz ung kawangko'an-Na.

Efesus 4:30

Tia'mo mahwangun un até ni Roh ni Opo Empung i rumara pahpaan si Roh ni Opo Empung si tumuzu'mé i ni kamu én anu ni Opo Empung makaz witu un endo kaakazan ung kaayahan i si Opo Empung méhé ung katou-touan makaz ing kauré-uré.