Lukas 21:27 - Taaz Weru Witu u Nunuwu'en Tombulu

²⁷ In toro niitumo péléng sé tou é mamilek si Oki' ni Tou si witu um wawo u ninahak méyé karia péléng ang kawasa wo ang kawangko'an-Na.

Lukas 21:27 Iomraidhean Croise

Matius 24:30

In toro niitu, sé tou é milek a mamuali witi langit un tumuzu'mé i si Oki' ni Tou é méyémo sumaup. Péléng sé tou wia ung kaayahan é mamé' wo ni séra é milek si Oki' ni Tou si witu um wawo u ninahak witi langit karia péléng ang kawasa wo ang kawangko'an-Na.

Matius 25:31

Ang kuan ni Yesus, “I si Oki' ni Tou méyé karia ung kawangko'an-Na wo péléng sé malaekat é méyé karia-Na, ni Sia é rumumez witu u rurumezan-Na ing Kolano um pahsigi'en wo pahloozen.

Matius 26:64

A si Yesus mingkotla, “Ni ko éng kimuamomé niitu, taan ikua-Kuma wia ni kamu, rengan in tarékan ni kamu é milek si Oki' ni Tou i rimumez witu ung kakan ni Totoz Mahkawasa wo méyé witu um wawo a ninahak witi langit.”

Markus 13:26

In toro niitu, sé tou é milek si Oki' ni Tou si witu um wawo u ninahak méyé karia péléng ang kawasa wo ang kawangko'an-Na.

Lukas 21:26

Sé tou én totoz maindé' akaz mahgerger pahpaan a mamuali wia ang kaayahan kenu, pahpaan ang kawasa witi langit é makayo'.

Wahyu 1:7

Ilekena! Ni Sia é méyé witu um wawo a ninahak, wo péléng sé tou wia ung kaayahan é milek ni Sia. Téntu kangkasii sé im puuna nimetu ni Sia karia um wengkou é milek ni Sia. Péléng sé tou wia ung kaayahan é mamé' karia i mahkérét pahpaan ni Sia. Niana péléng é mamuali téntu. Éné, amin.

Wahyu 14:14

An ilekengkuma u ninahak kulo', wo witu um wawo u ninahak itii é rimumez si tou tanumokan si Oki' ni Tou. Witu un ulu-Na ém wéwéhan um poporongen ni kolano u mas am wangunen, wo u lengen-Na én timion um pahagi' pengungupu' un totoz tewel.