Lukas 21:19 - Taaz Weru Witu u Nunuwu'en Tombulu

¹⁹ Sa ni kamu ezen, ni kamu é makailek ung katou-touan makaz ing kauré-uré.”

Lukas 21:19 Iomraidhean Croise

Matius 10:22

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.

Matius 24:13

Taan sé tou ezen makaz ing kamurian é makailek ung katou-touan makaz ing kauré-uré.

Lukas 8:15

A méikagogoma witu un tana' rembuz, ung kalakoana é sé tou timalingama u Nuwu' ni Opo Empung, totoz winéhan néra genang akaz nimahmut witu un até lé'os néra wo ni séra zéi'kan mazéi' i memangu-mangun u Nuwu' ni Opo Empung itii.”

Roma 15:4

Péléng a mémoipantik witu um Pinantik Lenas ém pinantik in tumuzu' ni kita. Pahpaan an tutuzu' kinailekanta witu um Pinantik Lenas, nimangun ni kita in ezen wo enté' un até wo kita wéwéhan um pahéré'an wia si Opo Empung.

Roma 2:7

Si Opo Empung é méhé ung katou-touan makaz ing kauré-uré wia sé tou sé zéi'kan mazéi' mahwangun am wangun i menéro u sisigi'an, u lolooz wo ung katou-touan un zéi'kan maléwo'.

Roma 5:3

Zéi'kan uman niitu, taan taré kita én toro mahpaa-paaz im wana am pengalinta, pahpaan kata'uanta sa am pengalinta itiimo a mangun ni kita ezen,

Roma 5:4

wo pahpaan ung kaezenan itii a ni kita makailek ung kaenté'an im wana am pema'wa'en wo pahpaan ung kaenté'an im wana am pema'wa'en itii a ni kita makailek um pahéré'an.

Roma 8:25

Taan sa um pahéré'anta én zéi'kan pahilekenta, ni kita é léwo'zéi' in ezen i ma'ento' niitu.

1 Tesalonika 1:3

Sekez kai i mengaléi wia si Opo Empung wo si Ama'ta, ni kamu ém pegena-genangen nai pahpaan am pahpaayangen niou i ma'éman wo kura kamu i mahsawang sé tou walina pahpaan rumaraaté ni séra wo kasii pahpaan ung kaezenan niou i mahéré' wo ma'éman uman wia si Yesus Kristus Mahpiarata, zozo' in zézéha.

2 Tesalonika 3:5

Mengalé-ngaléi uman ni kamu ém penawa-nawangané ni Mahpiara, wo ni kamu kalousna ma'éman i si Opo Empung é rumaraaté ni kamu, wo ni kamu ezen i ma'éman tanu ung kaezenan ni Kristus im pahzézéhan.

Ibrani 10:36

Ni kamu én tia' mahkana' i ma'éman zozo' im pahzézéhan, wo ni kamu makailek u méitaaz ni Opo Empung pahpaan nimakawangunola an ikapaaz-Na.

Ibrani 6:11

Taan un ikapaaz nai, ni kamu si esa wo si esa én uli-ulit i mahraa-raatéan makaz ni kamu ing kalekepala, wo am pengéré-ngéré'en niou é makailekan niou.

Ibrani 6:15

Si Abraham én totoz ezen i ma'ento' un taaz itii. Niitumo ni sia nimakailek u méitaaz ni Opo Empung wia ni sia.

Yakobus 1:3

Pahpaan kata'uan niouo, sa am pema'wa'an witu um pa'émanen niou itii é mangun ni kamu in ezen.

Yakobus 1:4

Tia' mazéi' i ma'éman zozo' lakez am pema'wa'en makaz ung kaezenan niou uli-ulit malekep, wo ni kamu lekep wo wutul im wana am péléng.

2 Petrus 1:6

wo witu ung katulapan tumoro si Opo Empung ém pahawesala karia u mata'u mahime-imek un tou. Wo u mata'u mahime-imek un tou ém pahawesala karia un ezen im wana an zézéha, wo un ezen im wana an zézéha ém pahawesala karia u mahkiit ang kapaaz ni Opo Empung.

Wahyu 1:9

Ni aku, Yohanes, katuari niou esa pa'émanen. Ni kita é nimendanomé an zézéha pahpaan i mahkiit si Yesus, méikauntep witi Kakolanoan ni Opo Empung wo ezen ma'ento' si Yesus i mawurimé sumaup. Ni aku é méitia' witi katanaan makangaran Patmos pahpaan mahkua u Nuwu' ni Opo Empung wo a mémoipapata'u ni Yesus.

Wahyu 13:10

Séi si tinotozo im buin, tantumo ni sia é maiuntep bui. Séi si tinotozo im wunu'en karia um pisou, ni sia é léwo'zéi' im wunu'en karia um pisou. Niitumo un totoz ipahpuu-puuna, sé tou ni Opo Empung é léwo'zéi' in ezen wo tia' mazéi' i ma'éman.

Wahyu 14:12

Un ipahpuu-puuna im wia'i éng kaezenan né tou ni Opo Empung, sé mahkiit am perénta-Na wo ma'éman wia si Yesus.

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.