Lukas 21:17 - Taaz Weru Witu u Nunuwu'en Tombulu

¹⁷ wo maikazi'zis péléng né tou pahpaan mahkiit ni Aku.

Lukas 21:17 Iomraidhean Croise

Matius 10:22

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.

Matius 24:9

In toro niitu, ni kamu én iayo in zézéhan. Ni kamu ém wunu'en wo maikazi'zis péléng né tou pahpaan mahkiit ni Aku.

Matius 5:11

Mahpaa-paazola ni kamu, sa pahpaan ni Aku, ni kamu pahséro'an karia a nunuwu'en merara un até wo ni kamu ém pahzézéhan, wo kasii pahtawuruken péléng a léwo'an.

Markus 13:13

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.”

Lukas 21:16

Ni kamu én iayo né tu'amu, né totoz tuarimu, né katuarimu, né kalomu wo sé woopira im wia ni kamu ém wunu'en

Lukas 21:18

Taan ni kamu én tia'mo maindé' pahpaan zozo' in esa uman um wuukmu én zéi'kan siapa u magogo.

Lukas 6:22

Mahpaa-paazola kamu sa pahpaan ma'éman si Oki' ni Tou ni kamu ikazi'zis né tou, kasoo né tou, pahséro'an né tou wo pahtawuruken né tou a léwo'an.

Yohanes 15:19

Sa ni kamu masuat karia né tou wia ung kaayahan kenu sé zéi'kan ma'éman ni Aku, tantumo sé tou itii é rumaraaté ni kamu pahpaan ni kamu én anu néra. Taan pahpaan ni Aku é niméléngo ni kamu im wia sé tou wia ung kaayahan kenu, niitumo ni kamu én zéi'mo anu né tou wia ung kaayahan kenu. Pahpaano niitu sé tou wia ung kaayahan kenu nimazi'zisola ni kamu.

Yohanes 15:21

Taan péléng niitu ém wangunen néra wia ni kamu pahpaan ni kamu ma'éman ni Aku, pahpaan ni séra én zéi'kan mata'u ni Sia si nimatumé ni Aku.

Yohanes 17:14

Ni Aku éng kimuamoma u nuwu' ni Ama' wia sé pahtuzu'eng-Ku, niitumo sé tou wia ung kaayahan kenu é mazi'zis ni séra pahpaan ni séra én zéi'kan masuat karia né tou wia ung kaayahan kenu sé zéi'kan ma'éman. Ni Aku kangkasii én zéi'kan masuat karia né tou wia ung kaayahan kenu.

Yohanes 7:7

Sé tou wia ung kaayahan én zéi'kan mamuali i mazi'zis ni kamu, taan ni Aku én ikazi'zis néra pahpaan ni Aku sekezé mahkua am pahwangunen néra é léwo'an.

Kisah Rasul-rasul 9:16

Ni Aku in esa si mapata'u wia ni sia, an zézéha totoz lakez a léwo'zéi' im pendanenna pahpaan u ngaran-Ku.”

2 Korintus 12:10

Niitumo, ni aku é mahpaa-paaz zozo' un touku in zéi'kan enté', pahséro'an, wana ang kasusaan wo pahzézéhan, lakez am pengalin pahpaan mahkiit si Kristus. Pahpaan i ni aku zéi'kan enté', in toro niitumo ni aku nimaenté'.

2 Korintus 4:11

Ni kai i menou-noupé' kenu, sekezé ém wéwéhan sé tou mahwuwunu' ni kai pahpaan si Yesus. Karia in téntu, ung katou-touan ni Yesus én ikatuzu'mé witu un tou nai u maté.

2 Korintus 4:5

An ipahwoka' nai én zéi'kan tumoro ni kai, taan tumoro si Yesus Kristus Mahpiara. Ni kai nimaéndo ata niou, pahpaan ni kai é mahpaayang ang kapaaz ni Yesus.

Filipi 1:29

Pahpaan, ni kamu én tinambéran ung kamang zéi'kan uman i ma'éman si Kristus, taan ni kamu kasii én tinambéran ung kamang i mazéha pahpaan ma'éman ni Sia.

1 Petrus 4:14

Ni kamu é mahpaa-paazola sa wéwéhan tou sé mahséro' wia ni kamu pahpaan i mahkiit si Kristus. Pahpaan si Roh si pahloozen wo pahsigi'en ém wia ni kamu, ni Siamo si Roh ni Opo Empung.

Wahyu 2:3

Ni kamu én ezen wo nimazézéha pahpaan ni Aku wo ni kamu én zéi'kan mahgenang u rawoi.